Армения премьер-министрі Никол Пашинян.

Арменияда премьер-министр Никол Пашинянның партиясы парламент сайлауында жеңіске жетті.

Армения ортылық сайлау комиссиясы таратқан мәлімет бойынша, желтоқсан айының 9-ы күні өткен парламент сайлауында премьер-министр Никол Пашинянның «Менің қадамым» партиясы 884,4 мың сайлаушының дауысын жинап (70,43%), Ұлттық кеңестегі көпшілік орынға ие болды.

Сайлау қорытындысы бойынша, екінші орынды 103,8 мың дауыс жинаған (8,37%) Гагик Царукянның «Гүлденген Армения» партиясы алған. Үшінші орынға Эдмон Маркуянның басқаруындағы «Жарқын Армения» партиясы табан тіреген.

Экс-президент Серж Саргсянның Республикалық партиясы Тәуелсіз Армения тарихында тұңғыш рет сайлаудан өте алмай қалды. Ол сайлаушылардың небәрі 4,7 пайыз дауысын алған.

Армения Ата заңы бойынша, парламентке 5 пайыз дауыс жинаған партия өтуге құқылы және парламент кем деген де үш партиядан жасақталуы тиіс.

"The Qazaq Times"