جان-يۆ لە دريان اقش پرەزيدەنتىن فرانتسياداعى جاعدايعا ارالاسپاۋعا شاقىردى

فرانتسيانىڭ سىرتقى ىستەر ءمينيسترى جان-يۆ لە دريان، اقش پرەزيدەنتى دونالد ترامپتى فرانتسيانىڭ ىشكى جاعدايىنا ارالاسپاۋعا شاقىردى.

"مەن جانە فرانتسيا پرەزيدەنتى اقش پرەزيدەنتى دونالد ترامپتى ىشكى جاعدايعا ارالاسپاۋعا شاقىرامىز. سەبەبى، ءبىز امەريكانىڭ ىشكى تالقىلاۋلارى مەن وقيعالارىنا ارالاسپايمىز. ءوز حالقىمىزدىڭ جاعدايىمەن ءوزىمىز اينالىسۋعا كەدەرگى كەلتىرمەڭىز" دەپ دريان اشىق تۇردە مالىمدەدى.

بۇدان بۇرىن اق ءۇي ءوزىنىڭ Twitter الەۋمەتتىك جەلىسىندەگى پاراقشاسىنا "فرانتسيانىڭ ساياسي داعدارىستان شىعۋىنا شەشىم اركەز تابىلادى. ەگەر كليماتتىق جاعدايعا بايلانىستى پاريج كەلىسىمىنەن شىعىپ، ادامدارعا قۇجات ىشىندەگى شىعىندى وتەپ بەرسە، ءبارى قالپىنا كەلەدى" دەپ مالىمدەگەن ەدى.

ەستەرىڭىزگە سالا كەتەيىك، 17 قاراشادان باستاپ بارلىق فرانتسيا اۋماعىندا جانارماي سالىعىنىڭ قىمباتتاۋىنا بايلانىستى جاپپاي شەرۋلەر ءوتىپ كەلەدى. بۇگىنگى تاڭدا اتالعان وقيعادان ءۇش ادام قازا تاۋىپ، 1043 ازامات جارالانعان. ونىڭ ىشىندەگى 222-ءى قاۋىپسىزدىك كۇشتەرىنىڭ قىزمەتكەرلەرى.

"The Qazaq Times"