يرانداعى نارازىلىق. ءبىر كۇن بۇرىن. فوتو: DW,

يراندا ۇكىمەتكە قارسى نارازىلىق تەبىنى بارعان سايىن ارتىپ كەلەدى.  نارازىلىق اكتسياسى ەلەكتر جارىعىنىڭ ءۇزىلۋى، قۇرعاقشىلىق پەن سۋ تاپشىلىعىنا دەگەن نارازىلىقتان باستالعانىمەن سوڭعى ۇكىمەتكە، يراننىڭ قازىرگى جۇيەسىنە دەگەن نارازىلىققا ۇلاستى.

يراننىڭ سولتۇستىك-باتىس ايماقتارى قۇرعاقشىلىققا ۇشىراپ، سۋ تاپشىلىعى ءوڭىر تۇرعىندارىنىڭ نارازىلىعىن كۇشەيتتى. نارازىلىق بىرتىندەپ ەلدىڭ باسقا قالالارىنا قاراي جايىلدى. ورتالىق قالا تەھرانداعى (تەگەرانداعى) نارازى توپ «مولدالار بيلىكتەن كەتسىن»، «ديكتاتورعا ءولىم» دەپ ۇرانداتىپ، ەلدەگى الەۋمەتتىك جاعدايلارعا قاراماستان سىرتقى ماسەلەلەرگە باسىمدىق بەرىپ جاتقان بيلىكتى اۋىر سىنعا العان.

سوڭعى جىلدارى يرانداعى ۇكىمەتكە قارسى نارازىلىق شارالارىندا ەلدىڭ جوعارى بيلەۋشىسى اياتوللا الي حامەنەيگە دەگەن نارازىلىق اشىق كورىنە باستادى. ءتىپتى «حامەنەيگە ءولىم» دەگەن ءسوز ۇكىمەتكە قارسى نارازىلىقتىڭ سيمۆولدىق سوزىنە اينالدى.

وسىدان تۋرا ءبىر اپتا بۇرىن حۋزەستان پروۆينتسياسىنىڭ يزە قالاسىنداعى نارازىلىقتا دەمونسترانتتار بۇرىنعى يران بيلەۋشىسى شاح رەزانى ەسكە الىپ، قازىرگى رۋحاني كوسەمدەرىنە قاراتا «حامەنەيگە ءولىم كەلسىن» دەگەن ۇراندار دا ايتقان بولاتىن. وسى نارازىلىق كەزىندە الەۋمەتتىك جەلىلەرگە تاراعان ۆيدەولاردان مىلتىق داۋىسى دا ەستىلەدى.

يراننىڭ رەسمي مالىمەتىنە قاراعاندا نارازىلىق كەزىندە ءبىر پوليتسيا جانە ءبىر دەمونسترانتتىڭ قازا تاپقانىن مالىمدەگەن. بىراق، كەيبىر شەتەلدىك باسىلىمدار قازا بولعاندار سانى رەسمي مالىمەتتەگىدەن كوپ بولۋى مۇمكىن دەپ سانايدى.

“The Qazaq Times”