جاپونيا قىتاي تاۋارلارىن ساتىپ الۋدان باس تارتتى

جاپونيا قىتايدا جاسالعان ZTE مەن «Huawei Technologies» قۇرالدارىن ساتىپ الۋدان باس تارتتى.

Reuters اگەنتتىگىنىڭ حابارلاۋىنشا، كيبەر قاۋىپسىزدىكتەن ساقتانۋعا بەل بۋعان جاپونيا بەيجىڭنىڭ كيبەرتىڭشىلىق ارەكەتىنەن ساقتانۋ ءۇشىن وسىنداي قادامعا بارعان. ساتىپ الۋعا تىيىم سالىنعان تاۋارلاردىڭ قاتارىندا قولدانىستاعى باسقا قۇرىلعىلار دا بولۋى مۇمكىن. بۇل ماسەلەگە قاتىستى جاپونيا مينيسترلەر كابينەتىنىڭ باس حاتشىسى يوسيحيدە سۋگا: «قازىرگى ۋاقىتتا جاپونيا اقش-پەن سان ءتۇرلى سالا بويىنشا تىعىز بايلانىس ورناتپاق نيەتتە. ونىڭ ىشىندە كيبەر قاۋىپسىزدىك شەشىمىن تابۋى ءتيىس ءبىرىنشى ماسەلە سانالادى. وسىعان بايلانىستى ءبىزدىڭ بيلىك ءتيىستى شارالاردى قابىلدايتىن بولادى»، – دەيدى. ەندى 10 جەلتوقساندا اتالعان ماسەلەگە قاتىستى جاڭا زاڭ جوباسى قابىلدانادى.

ەسكە سالا كەتەيىك، وسىعان دەيىن دونالد ترامپ قاۋىپتىڭ الدىن الۋ ءۇشىن اق ءۇي مەن باسقا دا مەملەكەتتىك مەكەمەنىڭ ىشىندە قىتاي تاۋارلارىن قولدانۋعا تىيىم سالعان بولاتىن. اقش-تىڭ بۇل شەشىمىنە اۋستراليا مەن جاڭا زەلانديا ۇكىمەتى قولداۋ ءبىلدىرىپ، 5G جەلىسى بويىنشا قىتاي تاۋارلارىن پايدالانۋدان تۇبەگەيلى باس تارتتى. اقش، سونىمەن قاتار، قىتايدان تاسىمالداناتىن iPhone قۇرىلعىلارىنا سالىقتى ەسەلەدى.

"The Qazaq Times"