كەرش بۇعازىنداعى جاعدايعا بايلانىستى اقش جانە ونىڭ وزگە دە وداقتاس مەملەكەتتەرى ۋكراينا شەكاراسىنان جوسپارلانباعان ۇشاق ۇشىردى. بۇل تۋرالى پەنتاگون حابارلاپ وتىر.

پەنتاگوننىڭ مالىمدەۋى بويىنشا، رەسەي ەشقانداي جەلەۋسىز ۋكراينالىق كەمەلەرگە وق جاۋدىرىپ، قارا تەڭىز ارقىلى كەرش بۇعازىن كەسىپ وتپەك بولعان ساربازداردى تۇتقىنداعان. ءدال وسى ارەكەتىمەن رەسەي ءوزىنىڭ اگرەسسيالىق باسىمدىلىعىن كورسەتكىسى كەلۋى مۇمكىن دەپ جورامالدادى.

بۇدان بولەك، اقش رەسەي فەدەراتسياسىمەن ىنتىماقتاستىقتى جاقسارتقىسى كەلەتىندىگىن دە مالىمدەپ، بىراق ونىڭ ۋكرايناداعى جاعدايعا بايلانىستى الداعى ۋاقىتتا ورىندالمايتىندىعىن دا كەسىپ ايتتى.

ەستەرىڭىزگە سالا كەتەيىك،  اقش-تىڭ OS-135B ۇشاعى ۋكراينا شەكاراسىندا جاتقان قرىمنىڭ سولتۇستىك بولىگىن ۇشاق ارقىلى باعدارلاعان بولاتىن. سوڭعى اقپاراتتارعا سۇيەنسەك، بارلاۋ ۇشاعى اتالعان ايماقتان قاۋىپتى مەكەندەردى بايقاماعان.  سونىمەن بىرگە قارا تەڭىز ايماعىنان امەريكانىڭ راديو بارلاۋشى EP-3E Aries II ۇشاعى دا پايدا بولعاندىعى انىقتالدى. قازىرگى تاڭدا گرەكيانىڭ كريت ارالىنداعى اۋە بازاسىنان ۇشقان ۇشاق بارلىق تەڭىز اۋماعىن بارلاۋ جۇمىستارىمەن اينالىسۋدا.

"The Qazaq Times"