ۋكراينا رەسەيمەن دوستىق كەلىسىمدى ۇزەدى

ۋكراينا رەسەيمەن جاساسقان دوستىق كەلىسىمنەن 2019 جىلدىڭ باسىندا شىعادى.

ۋكراينا پرەزيدەنتى پەتر پوروشەنكو جوعارعى راداعا دوستىق قاتىناس كەلىسىمىنەن شىعۋ تۋرالى زاڭ جوباسىن ۇسىندى. ال كرەمل ۋكراينانىڭ بۇل قادامىن «ەكى ەل قاتىناسى ءۇشىن عانا ەمەس، ۋكراينانىڭ ۇلتتىق مۇددەسىنە دە ۇلكەن زاردابىن تيگىزەتىن شەشىم» دەپ اتادى.

رەسەي – ۋكراينا دوستىق شارتىنا 1997 جىلى 31 مامىردا قول قويىلعان. شارت مەرزىمى 2007 جىلى تاعى دا 10 جىلعا سوزىلعان. قۇجاتتا ديپلوماتيالىق بايلانىس، ءوز اۋماعى ءۇشىن ءبىر-ءبىرىنىڭ قاۋىپسىزدىگىنە نۇقسان كەلتىرمەۋ جانە شەكارا مەن اۋماقتىق تۇتاستىقتى قۇرمەتتەۋى قاعيدالارى جازىلعان.

ايتا كەتەيىك، 8 قاراشادا ۋكراينا پرەزيدەنتى پەتر پوروشەنكو مەملەكەتتىك شەكارانى زاڭسىز كەسىپ وتكەن «اگرەسسورلىق مەملەكەت» ياعني رەسەي ازاماتتارىن قىلمىستىق جاۋاپقا تارتۋ تۋرالى زاڭعا قول قويدى. ال بىلتىر كيەۆ تاراپى رەسەي اننەكسيالاعان قىرىمعا شەكارانى كەسىپ وتپەك بولعان 100-گە جۋىق رەسەيلىك ازاماتتارعا قاتاڭ تىيىم سالعان بولاتىن.

"The Qazaq Times"