رەسەي سوتى كەرچتە ۇستالعان ۋكراينالىق تەڭىزشىلەردى قاماۋعا الدى

رەسەي اننەكسيالاعان قىرىم سوتى كەرچتە ۇستالعان ۋكراينالىق ءۇش تەڭىزشىنى قامادى.

رەسەي تاراپى جالپى 24 ۋكراين اسكەرىنىڭ قىزمەتكەرىن ۇستاعان. ولاردىڭ التاۋى سوققى كەزىندە جاراقات الىپ، ون ەكىسى سوتقا تارتىلعان. قاماۋعا الىنعاندار التى جىلعا دەيىن باس بوستاندىعىنان ايىرىلۋى مۇمكىن. رەسەي سوتىنىڭ شەشىمىنە قاراعاندا، ۋكراين تەڭىزشىلەرى رەسەي شەكاراسىن قاساقانا باسىپ ءوتىپ، كۇش قولدانىپ، قاقتىعىس تۋعىزعان.

وسىعان دەيىن ەۋرووداق، ناتو جانە اقش ەلدەرى رەسەيگە كەرچ بۇعازىنداعى كەمەلەردىڭ ەركىن ءوتۋىن قالپىنا كەلتىرۋگە جانە سەنبى كۇنى باسىپ الىنعان ۋكراينا كەمەلەرىن قايتارۋ تۋرالى قاتاڭ تالاپ قويعان بولاتىن. بۇۇ قاۋىپسىزدىك كەڭەسىنىڭ مۇشەلەرى ماسكەۋ ۇسىنعان «ۋكراينانىڭ رەسەي شەكاراسىن بۇزۋى بويىنشا» وتىرىستىڭ كۇن ءتارتىبىن مۇلدە قابىلداعان جوق.

ايتا كەتەيىك، 25 قاراشادا رەسەي ارنايى جاساعى ازوۆ تەڭىزىندە ۋكراينا اسكەري تەڭىز كۇشتەرىنە تيەسىلى ءۇش بىردەي كەمەگە شابۋىل جاساپ، باسىپ العان بولاتىن. وسى جاعدايدان سوڭ ۋكراينا پرەزيدەنتى پەتر پوروشەنكو ەلدە ءبىر ايعا اسكەري جاعداي ەنگىزدى.

"The Qazaq Times"