فوتو: يزۆەستيا ۆ ۋكراينە

ۋكراينا ارنايى قىزمەتى سوعىس جاعدايىنا ءوتتى.

ۋكراينا قاۋىپسىزدىك قىزمەتى ەل اۋماعىنا رەسەي ارنايى قىزمەت اگەنتتەرىن كىرگىزبەۋ ماقاستىندا كۇشەيتىلگەن رەجيمدە جۇمىس ىستەۋدە.

«ۇلتتىق قاۋىپسىزدىك قىزمەتى سوعىس جاعدايىنا ءوتتى. رەسەي اگەنتتەرىنىڭ ۋكراينا اۋماعىندا تۇراقسىزدىق ورناتۋ تالپىنىستارىنىڭ الدىن الۋ ماقساتىندا بارلاۋعا قارسى قىزمەت اگەنتتەرى كۇشەيتىلگەن رەجيمدە جۇمىس ىستەۋدە» - دەپ مالىمدەدى ۋكراينا ۇلتتىق قاۋىپسىزدىك قىزمەتىنىڭ ءباسپاسوز قىزمەتى.

ەستەرىڭىزگە سالايىق، 25 قاراشا كۇنى رەسەي ارنايى جاساعى ازوۆ تەڭىزىندە ۋكراينا اسكەري تەڭىز كۇشتەرىنە تيەسىلى ءۇش بىردەي كەمەگە شابۋىل جاساپ، باسىپ العان بولاتىن. وسىدان كەيىن ۋكراينا قاۋىپسىزدىك كەڭەسىنىڭ كەزەكتەن تىس وتىرىسى ءوتىپ، ەل پرەزيدەنتى پەتر پوروشەنكو سوعىس جاعدايىن ەنگىزگەن.

"The Qazaq Times"