مەركەل ۋكراينانىڭ ناتو مەن ەو-عا قاشان مۇشە بولاتىنىن ايتتى

گەرمانيا كانتسلەرى انگەلا مەركەل كيەۆكە ساپارى كەزىندە ۋكراينا ەۋرووداققا 5-8 جىلدان كەيىن مۇشە بولا الاتىنىن ايتتى.

جوعارعى رادا دەپۋتاتى، «پەتر پوروشەنكو بلوگى» فراكتسياسىنىڭ ءبىرىنشى ورىنباسارى يگور كونونەنكو مەركەلمەن كەزدەسۋ ۇيىمداستىرىپ، ۋكراينانىڭ ناتو مەن ەۋروپالىق وداق قۇرامىنا ەنۋى تۋرالى جان-جاقتى تالقىلاعان. ول «ەۋروپاتسەنتريزمگە ەنۋ ءۇشىن بەس جىل دا جەتكىلىكتى» ەكەندىگىن ايتقان.

بۇعان دەيىن جوعارعى رادانىڭ ءبىرىنشى وقىلىمىندا ۋكراينانىڭ ەۋرووداققا جانە ناتو-عا رەسمي مۇشە بولۋى تۋرالى زاڭعا قول قويىلدى. ۋكراينا پرەزيدەنتى پەتر پوروشەنكو ەۋرووداققا 2025 جىلى تولىقتاي ەنەتىنىن مالىمدەپ، كونستيتۋتسياعا بىرقاتار وزگەرىستەر ەنگىزدى.

ايتا كەتەيىك، ءبىراز ۋاقىت بويى ناتو-نىڭ پارلامەنتتىك اسسامبلەياسى «اگرەسسورلىق رەسەيدىڭ قاۋىپ-قاتەرىنە قارسى تۇرۋ ءۇشىن» ۋكراينانى اليانسقا قوسۋدى تالقىلاعان. الايدا، ماسكەۋ تاراپى شىعىس ەۋروپادا باسقىنشىلىق ساياسات جۇرگىزىپ وتىرعانىن تۇبەگەيلى جوققا شىعاردى.

"The Qazaq Times"