يراندىق وليگارح بوباك زاندجاني قازىناعا 2,5 ميلليارد دوللاردى قايتارعاننان كەيىن عانا ءوءلىم جازاسى جءۇزەگە اسىرىلادى. بۇل تۋرالى جۋرناليستەرگە يراننىڭ باس پروكۋرورى مۇحامماددجافار مۋنتازيري مءالىمدەدى. ونىڭ ايتۋىنشا، بۇل اقشا شەتەل بانكتەرىندە جاتىر دەپ جازادى "ورتالىق ازيا حابار قىزمەتى".
يراندىق وليگارح 2013 جىلى 30 جەلتوقساندا مۇناي نارىعىندا سىبايلاسقان جەمقورلىق جاسادى دەگەن كۇدىكپەن ۇستالىپ، تەگەراندىق «ەۆين» تۇرمەسىنە قامالدى. ونى مەملەكەتتىڭ 2,5 ميلليارد دوللار مۇناي تابىسىن يەمدەندى دەپ ايىپتادى. بوباك زاندجاني كىنالى ەمەستىگىن ايتىپ، بار بولعانى يراننىڭ ورتالىق بانكىنىڭ سۇراۋى بويىنشا شيكىزات تاسۋعا دەلدال بولعانىن مالىمدەدى.
ايىپتاۋلاردىڭ ءبىرى تاجىكستان ۇلتتىق بانكىنىڭ حاتىن قولدان جاساۋعا قاتىستى بولىپ وتىر. ول قۇجاتتا 2, 5 ميلليارد دوللار يراننىڭ ۇلتتىق مۇناي كومپانياسىنا تولەنگەنىن راستايتىندىعى جازىلعان. بىراق يراننىڭ مۇناي مينيسترلىگى مۇنداي قاراجاتتى المادىق دەپ وتىر. تاجىكستاننىڭ ۇلتتىق بانكى دە قۇجاتتى جالعان دەپ اتادى.
تاجىكستان بيلىگى زاندجاني مەن ونىڭ كومپانيالارىمەن ەشقاشان جۇمىس ىستەمەگەنىن ايتتى.
2016 جىلدىڭ 6 ناۋرىزىندا تەگەرانداعى سوت ميللياردەر مەن ونىڭ ەكى سىبايلاسىنا ءولىم جازاسىن شىعاردى. Sorinet Group كورپوراتسياسىنىڭ باسشىسى باباك ءزاندجانيدىڭ مۇلكى 14 ميلليارد دوللار دەپ باعالاندى.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى