ۇلى قورعانعا قۇلاۋ قاۋپى ءتونىپ تۇر. فوتو: Mashable.

قىتاي دەسە ەسكە تۇسەتىن ۇلى قىتاي قورعانىنىڭ كەيبىر جەرلەرى قۇلاپ قالۋ قاۋپىندە تۇر. ارحيتەكتورلار قورعاننىڭ بۇلىنگەن جەرلەرىن تابۋ ءۇشىن درونداردى پايدالانۋدا.

قىتاي اقپارات قۇرالدارىنىڭ حابارىنا سەنسەك، قورعاننىڭ ءبۇلىنۋى وسىمدىكتەر مەن اۋا-رايىنىڭ اسەرىنەن بولعان. ال، قالپىنا كەلتىرۋ جۇمىستارى ءۇشىن باستى قيىنشىلىق تاۋ جوتالارىنا سالىنعان قورعانعا قۇرىلىس ماتەريالدارىن جەتكىزۋ بولىپ وتىر. قورعاننىڭ بيىك تاۋ جوتالارىنان اساتىن تۇستارىنا قۇرىلىس ماتەريالدارىن جەتكىزۋ ءۇشىن ات نەمەسە ەسەكتەردى پايدالانۋعا تۋرا كەلەدى ەكەن.

تاريحي قۇرىلىستى قالپىنا كەلتىرۋ ءۇشىن پايدالاناتىن تاستاردى ارحيتەكتورلار بايىرعى زاماننىڭ شەبەرلەرىنە ۇقساس الىپ تاستاردان قاشاپ جاساۋدا.

جالپى قىتاي قورعانىنىڭ بەيجىڭگە جاقىن ماڭداعى قورعان دۋالدارى عانا تاستاردان قالانعانى بولماسا، بىرنەشە مىڭ شاقىرىمعا سوزىلعان باسىم كوپ بولەگى كادىمگى سارى توپىراقتاردان سوعىلعان. مىڭ جىلدىقتاردى ارتقا تاستاعان قورعاننىڭ كەيبىر تۇستارىنىڭ شوككەن تۇيەدەي جۇرناعى عانا قالعان.

“The Qazaq Times”