ترامپ: جۋرناليست حاشوگگيدى ولتىرگەن كۇندە دە، ءبىز ساۋد ارابياسىنان قول ۇزبەيمىز

قۇراما شتاتتاردىڭ پرەزيدەنتى دونالد ترامپ كەزەكتى مالىمدەمەسىندە، ساۋد ارابياسىنىڭ بيلىگى جۋرناليست حاشوگگيدى ولتىرۋگە بۇيرىق بەرگەن كۇندە دە، اقش-تىڭ سۋاد ارابياسىنان قول ءۇزۋى ۇلكەن قاتەلىك ەكەنىن ايتتى. ترامپ اتالعان مالىمدەمەسىن سەيسەنبى كۇنى اق ۇيدە وتكەن ءباسپاسوز جينالىسىندا مالىمدەدى.

ترامپتىڭ ايتۋىنشا ۇلتتىق قاۋىپسىزدىك پەن ەكونوميكالىق مۇددەلەر قاندايدا ءبىر ادامدىق قۇقىق ماسەلەسىنەن كوبىرەك الاڭداتادى. ساۋد ارابياسى پاتشالىعىمەن مەن يران يسلام رەسپۋبليكاسى اراسىنداعى قاراما-قايشىلىقتار جانە اسكەري قارۋ-جاراق ساتۋ تۋرالى ايتا كەلىپ، پرەزيدەنت ترامپ: «ءبىز ساۋد ارابياسىمەن بىرگە بولامىز»، – دەدى. سونداي-اق، بۇل مۇددەلەر «جۇزدەگەن جۇمىس ورىندارى مەن ميللياردتاعان دوللار ينۆەستيتسيا» ماسەلەسى ەكەنىن دە العا تارتتى.

ءسوز اراسىندا اقش پرەزيدەنتى «رەسەي مەن قىتاي سىيلىققا يە بولا المايدى» دەپ تە قوسقان. بۇنى تۇسىنىكتى جەتكىزەر بولساق، اقش ساۋد ارابيانى بايلىق تولى «ماي شەلپەك» رەتىندە، ونى ءوزىنىڭ ەڭ باستى ستراتەگيالىق قارسىلاستارىنا بەرە المايتىنىن انىق اڭعارتتى. ارينە، ترامپتىڭ وسى جەردە سەبەپ رەتىندە كورسەتكەن مۇناي باعاسىنىڭ قىمباتتاۋى دا قيسىنسىز ەمەس. ەگەر اقش پەن ساۋد پاتشالىعى اراسىنداعى قارىم-قاتىناس ناشارلاسا بۇل مۇناي باعاسىنا ۇلكەن اسەر ەتەتىنى شىن.

اقش-تىڭ ورتالىق بارلاۋ اگەنتتىگى ساۋد پاتشالىعىنىڭ تاق مۇراگەرى مۇحاممەد بين سالماننىڭ ستامبۋلداعى ەلشىلىكتە جۋرناليست حاشوگگيدى ءولتىرۋ ءىسىن بىلگەنىن نەمەسە بۇيرىق بەرگەنىن تۇراقتاندىردى. دەگەنمەن ترامپ ورتالىق بارلاۋ اگەنتتىگىنىڭ قورىتىندىسى تۇسىنىكسىز دەپ قارايدى: «ول مۇمكىن سولاي ىستەدى، مۇمكىن ىستەمەدى، وبا-نىڭ قورىتىندىسى ۇعىنىقسىز»، – دەيدى ترامپ.

الايدا، ادام قۇقىعىن باستى قۇندىلىق رەتىندە ۇستاناتىن قۇراما شتاتتىڭ جوعارى بيلىگى دەموكراتتار مەن رەسپۋبليكاشىلداردىڭ وكىلدەرى ترامپقا قايتالاي حات جولداپ، حانزادا مۇحاممەدتىڭ حاشوگگيدى ولتىرۋگە بۇيرىق بەرگەن-بەرمەگەنىن انىقتاۋدى تالاپ ەتتى.

“The Qazaq Times”