فوتو: media.akhbar-alkhaleej.com

رونالدۋ مەن مەسسي ىلىكپەي قالعان الەمدىك دەڭگەيدەگى «التىن دوپ» ماراپاتىنا كىمنىڭ لايىقتى ەكەنى ايتىلدى. 

3 جەلتوقساندا وتەتىن «التىن دوپ» جۇلدەسىن تابىستاۋ سالتاناتتى شاراسىنا قاتىستى يتاليالىق سپورت ءتىلشىسى تانكرەدي پالمەري پىكىر ءبىلدىردى. ونىڭ مالىمەتىنشە، بيىلعى جىلدىڭ ەڭ ۇزدىك فۋتبولشىسى اتاعىن انتۋان گريزمان يەلەنەدى. سەبەبى وتكەن ماۋسىمدا گريزمان مادريدتىك «اتلەتيكومەن» ەۋروپا ليگاسىن جەڭىپ، فرانتسيا قۇراماسى ساپىندا الەم چەمپيونى اتانعان. ال فرانتسيالىق جۋرناليست ەريك مامۋرتانىڭ پىكىرىنشە، «التىن دوپ» ماراپاتىنا باستى ۇمىتكەرلەر قاتارىندا پسج مەن فرانتسيا ۇلتتىق قۇراماسىنىڭ ويىنشىسى كيليان مباپپە، «رەالدىڭ» جارتىلاي قورعاۋشىسى لۋكا مودريچ جانە رافاەل ۆاران كوش باستاپ تۇر.
وتكەن اپتادا «يۋۆەنتۋس» فورۆاردى كريشتيانۋ رونالدۋ مەن «بارسەلونا» شابۋىلشىسى ليونەل مەسسي ون جىلدا العاش رەت «التىن دوپسىز» قالاتىنى انىقتالعان. بۇلاي بولۋدىڭ بىردەن-ءبىر سەبەبى – قوس فۋتبولشى الەم چەمپيوناتىندا ايتارلىقتاي ويىن كورسەتپەگەن. بىراق بريتانيالىق باق ىرىكتەۋدىڭ ءالى دە جۇرگىزىلىپ جاتقانىن جانە ناتيجەلەردىڭ تاعى دا وزگەرەتىنىن مالىمدەدى.

"The Qazaq Times"