رونالدۋ مەن مەسسي «التىن دوپسىز» قالا ما؟

«يۋۆەنتۋس» فورۆاردى كريشتيانۋ رونالدۋ مەن «بارسەلونا» شابۋىلشىسى ليونەل مەسسي ون جىلدا العاش رەت «التىن دوپسىز» قالماق.

The Sun مالىمەتىنشە، قوس فۋتبولشى اتالعان ماراپاتتان ۇمىتكەرلەر ۇشتىگىنەن سىرت قالعان. ال بريتانيالىق باق-تىڭ اقپاراتىنشا، ىرىكتەۋ ءالى دە جۇرگىزىلىپ جاتىر جانە ناتيجەلەر وزگەرۋى مۇمكىن. بۇلاي بولۋدىڭ بىردەن-ءبىر سەبەبى – رونالدۋ مەن مەسسي الەم چەمپيوناتىندا ايتارلىقتاي ويىن كورسەتپەگەن.

فرانتسيالىق جۋرناليست ەريك مامۋرتانىڭ پىكىرىنشە، «التىن دوپ» ماراپاتىنا باستى ۇمىتكەرلەر قاتارىندا پسج مەن فرانتسيا ۇلتتىق قۇراماسىنىڭ ويىنشىسى كيليان مباپپە، «رەالدىڭ» جارتىلاي قورعاۋشىسى لۋكا مودريچ جانە رافاەل ۆاران كوش باستاپ تۇر.

ايتا كەتەيىك، «التىن دوپ» – جىلدىڭ ەڭ ۇزدىك ويىنشىسىنا بەرىلەتىن فۋتبولداعى اسا ۇلكەن سىي. 2007 جىلى اتالعان سىيلىقتى كاكا يەلەنگەن. ال سودان كەيىنگى «التىن دوپتىڭ» بارلىعىن رونالدۋ مەن مەسسي ءوزارا بولىسكەن.

"The Qazaq Times"