فوتو: kor.ill.in.ua

بريۋسسەل رەسەي مەن ۋكراينا اراسىنداعى شيەلەنىس سالدارىنان ازوۆ تەڭىزىندەگى كەمەلەردى ۇستاۋ ۋكراينا ەكونوميكاسىنا عانا ەمەس، ەۋروپا ەلدەرىنە دە اسەر ەتەتىنىن ايتتى.

ەۋرووداق تاياۋ ۋاقىت ىشىندە ازوۆ تەڭىزىندەگى جاعدايعا بايلانىستى «قاتاڭ شارالاردى» قابىلداۋعا نيەتتى. بۇل تۋرالى ەۋروپالىق وداقتىڭ ديپلوماتيالىق ماسەلەلەر بويىنشا باسشىسى فەدەريكا موگەريني بريۋسسەلدەگى ەو كەڭەسى وتىرىسىندا مالىمدەدى. ونىڭ ايتۋىنشا، رەسەيدىڭ ازوۆ تەڭىزىندەگى كەمەلەردى توقتاتۋ ماسەلەسى دۇيسەنبىدە ەو-عا مۇشە ەلدەردىڭ كەلىسسوزدەرى بارىسىندا تالقىلاندى جانە بولاشاقتا سانكتسيا ەسەبىندە قوسىمشا شارالار قابىلدانادى. موگەريني بۇعان دەيىن رەسەي مەن ۋكراينانىڭ ازوۆتا اسكەري بارلاۋ مەن جاتتىعۋ جۇمىستارىن كۇشەيتكەنىن ايتقان. ۋكراينا پرەزيدەنتى پەتر پوروشەنكو «ازوۆ تەڭىزى اسكەري كەمەلەر جاتتىعۋ وتكىزەتىن ورىنعا اينالىپ كەتتى، ال رەسەي ۋكرايندىق تەڭىز پورتتارىنىڭ بلوكاداسىن ەركىن، زاڭسىز جۇزەگە اسىرىپ كەلەدى» دەپ سىنعا الدى. ال رەسەي ءسىم ماسكەۋ ازوۆ تەڭىزىندەگى اسكەري قۋاتتى ارتتىرۋعا ەش نيەتتى ەمەس دەپ سەندىردى.​

ناۋرىز ايىندا ۋكرايندىق شەكاراشىلار رەسەيلىك «نورد» سەينەرىن توقتاتىپ، بەرديانسككە شىعارىپ جىبەرگەن. سونداي-اق ەكيپاج مۇشەلەرىنە كەمەدەن شىعۋعا تىيىم سالىندى. سەبەبى، كەلىسىم بويىنشا رەسەيلىك كەمە ۋكراينا اۋماعىنا رۇقساتسىز وتپەۋى ءتيىس. ياعني رەسەيلىك تاراپ «ۋكراينانىڭ ۋاقىتشا باسىپ الىنعان اۋماعىنا كىرۋگە جانە مەملەكەت مۇددەسىنە زيان كەلتىرۋگە تىيىم» تۋرالى كەلىسىمدى ورەسكەل بۇزعان. كەيىننەن رەسەي شەكاراشىلارى قىرىم جاعالاۋلارىندا يامك-0041 ۋكرايندىق بالىق اۋلاۋ كەمەسىن ۇستادى.​ وسىدان كەيىن ازوۆ تەڭىزىندەگى جاعداي ۋشىعىپ كەتكەن.

"The Qazaq Times"