وزبەكستاندا پرەزيدەنت شاۆكات ميرزيەەۆتىڭ ۇسىنىسى بويىنشا ەكولوگيالىق پارتيا قۇرىلماق.

قاراشا ايىنىڭ 14-ءى كۇنى ەكولوگيالىق پارتيا قۇرۋعا بايلانىستى باستاماشى توپ جيىن وتكىزدى. جيىندا بەلسەندىلەر الداعى ۋاقىتتا پارتيا قۇرۋدىڭ جوسپارى مەن تىركەلۋ قۇجاتتارىن دايىندايتىن ارنايى كوميتەت قۇرىپ، قۇرىلتايشىلار ءتىزىمىن بەكىتۋ كەرەكتىگىن تالقىلادى. باسقوسۋعا رەسپۋبليكاداعى بەدەلدى ەكولوگيالىق ۇيىمدار مەن قوعامدىق بىرلەستىك مۇشەلەرى قاتىستى. بەلسەندىلەر جاڭا ساياسي كۇشكە «وزبەكستان ەكولوگيالىق پارتياسى» دەگەن ات بەردى.

2017 جىلدىڭ جەلتوقسان ايىندا شاۆكات ميرزيەەۆ پارلامەنتتە سويلەگەن سوزىندە: «جىل سايىن ەكولوگيالىق ۇيىمدارعا قارجىلاي كۆوتا بولگەننىڭ ورنىنا اتالمىش ۇيىمداردىڭ ساياسي بەلسەندىلىگىن ارتتىرۋ ءۇشىن جاڭا ەكولوگيالىق پارتيا قۇرۋ قاجەت» دەپ مالىمدەگەن.

"The Qazaq Times"