الەمنىڭ ەڭ قىمبات ويىنشىلارى انىقتالدى.
«CIES Football Observatory» ساراپتامالىق كومپانياسى الەمنىڭ ەڭ قىمبات ويىنشىلارىنىڭ رەيتينگىن جاريالادى. رەيتينگ بويىنشا، 19 جاستاعى فرانتسيا ۇلتتىق قۇراماسى مەن «پسج» فۋتبول كلۋبىنىڭ ويىنشىسى كيليان مباپپە ەڭ قىمبات ويىنشىلار ءتىزىمىن باستادى. ونى ساراپشىلار توبى 216,5 ميلليون ەۋروعا باعالاعان. ەكىنشى ورىنعا 197,3 ميلليون ەۋرومەن ۇلىبريتانيانىڭ «توتتەنحەم فك» ويىنشىسى حارري كەين جايعاسقان. ءۇشىنشى ورىنعا مباپپەنىڭ كوماندالاسى برازيليالىق شابۋىلشى نەيمار تابان تىرەگەن. ونىڭ باعاسى 197 ميلليون ەۋرو.
«CIES Football Observatory» كومپانياسى ويىنشىلار رەيتينگىن فۋتبولشىلاردىڭ جاسىنا، وينايتىن پوزيتسياسىنا، الاڭعا شىعۋ جيىلىگىنە، كلۋب جانە ۇلتتىق قۇراما ساپىنداعى جەتىستىكتەرىنە قاراي جاساعان.
«پسج» فۋتبول كلۋبى كيليان مباپپەنى 180 ميلليون ەۋروعا ساتىپ العان. ول 2017-2018 جىلعى ماۋسىمدى ارەندا قۇقىعى بويىنشا ويناعان. كەيىننەن 2018 جىلدىڭ جازىنان باستاپ پسج-عا تولىقتاي كوشكەن. مباپپە 2018 جىلى فرانتسيا قۇراماسىمەن بىرگە الەم چەمپيوناتىن جەڭىپ الدى جانە مۋنديال قورىتىندىسى بويىنشا ەڭ جاس ۇزدىك ويىنشى اتاعىن يەمدەندى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى