تۇركيا پرەزيدەنتى رەجەپ تايىپ ەردوعان ساۋد ارابيالىق جۋرناليست جامال حاشوگگيدى كىمنىڭ ولتىرۋگە تاپسىرىس بەرگەنىن مالىمدەدى.

رەجەپ تايىپ ەردوعان ساتمبۇل قالاسىنداعى ساۋد ارابيا ەلشىلىگى اۋماعىندا ولتىرىلگەن جۋرناليست جامال حاشوگگيدىڭ ولىمىنە قاتىستى پىكىرى ءبىلدىردى.

ول وندا: «جامال حاشوگگيدى ولتىرۋگە ساۋد ارابياداعى ەڭ جوعارى لاۋازىمدى تۇلعالار تاپسىرىس بەرگەن. تۇركيا مەن ساۋد ارابيا دوستىق قارىم-قاتىناستا ەكەنى بەلگىلى. مەن قاسيەتتى مەشىتتەردىڭ قورعاۋشىسى كورول سالماننىڭ ادام ولتىرۋگە تاپسىرىس بەرگەنىنە سەنبەيمىن. سول سەبەپتى ءجۋرناليستىڭ ءولىمى رەسمي بايلانىسىمىزعا اسەر ەتپەيدى» - دەپ مالىمدەدى.

ەستەرىڭىزگە سالايىق، ساۋديالىق جۋرناليست 2 قازان كۇنى جوعالىپ كەتكەن. كەيىننەن ونىڭ ستامبۇلداعى ساۋد ارابيا كونسۋلدىعى اۋماعىندا ولتىرىلگەندىگى بەلگىلى بولعان.

"The Qazaq Times"