تۇركيا حاشوگگي ءىسىن تەز ارادا اياقتاۋعا تىرىسۋدا

تۇركيا پرەزيدەنتى رەجەپ تايىپ ەردوعان كەشە جاساعان مالىمدەمەسىندە، ساۋد ارابياسىنان حاشوگگيدى ولتىرۋگە كىمنىڭ بۇيرىق بەرگەنىن ايتۋدى تالاپ ەتكەن. ول حاشوگگي ءىسىن انىقتاۋدى تەز ارادا اياقتاۋ كەرەك ەكەنىن ايتقان.

قازىر تۇركيا تارابى ساۋد ارابياسىندا تۇتقىندالعان 18 كۇدىكتىنى ەكستراديتسيالاۋعا تىرىسۋدا. سەبەبى، ولارعا 2 قازان كۇنى حاشوگگيدى ءولتىرۋ ىسىنە قاتىسۋشىلار دەگەن ايىپ تاعىلعان. سونداي-اق، تۇركيا بيلىگى ساۋد ارابياسىنان قايتىس بولعان ءجۋرناليستىڭ دەنەسىن تابۋ ءۇشىن دە قولعابىس ەتۋىن تالاپ ەتۋدە. وسىعان دەيىنگى اقپاراتتاردا، ساۋد ارابياسىنىڭ ەلشىلىگىندە ولتىرىلگەن ءجۋرناليستىڭ دەنەسى بولشەكتەلىپ تاستاعانى تۋرالى ايتىلادى.

دۇيسەنبى كۇنى لوندوندا وتكىزىلگەن حاشوگگيگە ازا تۇتۋ راسىمىندە ونىڭ جۇبايى، تۇركيا ازاماتى حاتتيس يانجيز حاشوگگي ولتىرىلگەننەن بەرى كوپتەگەن مەملەكەتتەردىڭ ليدەرلەرى مەن بيلىگىنەن كوڭىلى قالىپ، ءۇمىتى ۇزىلگەنىن ايتتى. سونىمەن بىرگە، اقش پرەزيدەنتىن شىندىقتى اشۋعا كومەكتەسۋگە شاقىرعان.

ساۋد ارابياسىنىڭ وپپوزيتسيالىق ءجۋرناليسى حاشوگگي  تاق مۇراگەرى مۇحاممەد بين سالماندى كوبىرەك سىناعان. ءارى، بىرنەشە رەت «ۋاشينگتون پوست» باسىلىمىنا ماقالا جاريالاعان.

“The Qazaq Times”