ينگۋشەتيا بيلىگى رەسپۋبليكالىق سوتتىڭ شەشىمىن قۇپتامايدى

ينگۋشەتيا باسشىسى يۋنۋس-بەك ەۆكۋروۆ جاڭا شەكارا تۋرالى زاڭدى كونستيتۋتسياعا سايكەس ەمەس دەپ تانىعان رەسپۋبليكالىق سوتتىڭ شەشىمى ەشتەڭەگە توسقاۋىل بولا المايدى دەيدى.

ەۆكۋروۆتىڭ پىكىرىنشە، مۇنداي شەشىمدى ينگۋشەتيانىڭ ەمەس، رەسەيدىڭ كونستيتۋتسيالىق سوتى قابىلداۋى ءتيىس. سەبەبى زاڭ بىردەن ەكى ءوڭىردىڭ مۇددەلەرىنە لايىقتالعان. ريا نوۆوستي اگەنتتىگىنە بەرگەن سۇحباتىندا ول: «كونستيتۋتسيالىق سوت شەشىمى ماڭىزدى كەلىسىمدى بۇزبايتىنىن تۇسىنگەن ءجون. الداعى ۋاقىتتا مىندەتتى تۇردە زاڭدى كۇشىنە ەندى. ەكى ايماقتىڭ مۇددەلەرىن قورعايتىن كەلىسىم تەك قانا رف كونستيتۋتسياسىنا سايكەس جانە تەك قانا رەسەي كونستيتۋتسيالىق سوتى تەكسەرەدى»، – دەدى. الايدا ينگۋشەتيا حالقى بۇل شەشىمگە تۇبەگەيلى قارسى.

ەسكە سالا كەتەيىك، قازان ايىنىڭ باسىندا ينگۋشەتيا پارلامەنتى شەشەنستانمەن شەكارانى رەتتەۋ تۋرالى كەلىسىمدى بەكىتتى. رامزان قادىروۆ پەن يۋنۋس-بەك ەۆكۋروۆ ەكى سۋبەكت اراسىندا اكىمشىلىك شەكارا ورناتۋ تۋرالى ورتاق شەشىمگە كەلگەن سوڭ، ينگۋشەتيا جۇرتى جاپپاي ەرەۋىلگە شىققان. سونداي-اق كەلىسىمدى راتيفيكاتسيالاۋ ءۇشىن 35 دەپۋتاتتىڭ تەك 17-ءسى عانا قولداپ داۋىس بەردى. سول سەبەپتى ەكى ەل اراسىنداعى شەكارا بايلانىسى ءالى كۇنگە دەيىن شەشىمىن تاپقان جوق.

"The Qazaq Times"