ينگۋشەتيا مەن شەشەنستان حالىق نارازىلىعىنا قاراماستان شەكارا كەلىسىمىن زاڭداستىردى

رەسەي كونستيتۋتسيالىق سوتى ينگۋشەتيا مەن شەشەنستان اراسىنداعى ايماقتارعا قاتىستى اكىمشىلىك شەكارا تۋرالى كەلىسىمدى زاڭداستاردى.

كونستيتۋتسيالىق سوت وتىرىسىنا ينگۋشەتيا باسشىسى يۋنۋس-بەك ەۆكۋروۆ پەن شەشەنستان باسشىسى رامزان قادىروۆ، سونداي-اق ينگۋشەتيا حالىق جينالىسىنىڭ دەپۋتاتتارى شاقىرىلدى. رەسپۋبليكادا شارتقا قول قويىلعاننان كەيىن جاپپاي نارازىلىقتار ورىن الدى. شەكارا تۋرالى زاڭنىڭ قابىلدانۋىنا قارسى داۋىس بەرگەن ينگۋشەتيا حالىق جينالىسى دەپۋتاتتار توبىنىڭ وكىلى اندرەي سابينين زاڭنىڭ ەل بولاشاعى ءۇشىن قاۋىپتى ەكەنىن، ال ينگۋش حالقىنىڭ دۇنيەجۇزىلىك كونگرەسى توراعاسى احمەت پوگوروۆ كەلىسىمدى انتيكونستيتۋتسيالىق جانە ينگۋشەتيانىڭ اۋماقتىق تۇتاستىعىن بۇزاتىن شەشىم دەپ سىنعا الدى. سونداي-اق ولاردىڭ ايتۋىنشا، رەسەي كونستيتۋتسيالىق سوتىنىڭ شەشىمى كۇللى ينگۋشەتيانى قۇرتۋ ءۇشىن ۇيىمداستىرىلعان.

ايتا كەتەيىك، 26 قىركۇيەكتە قوس ەل باسشىلارى ەكى سۋبەكت اراسىندا اكىمشىلىك شەكارا ورناتۋ تۋرالى ورتاق شەشىمگە كەلگەن بولاتىن. كەلىسىمدى راتيفيكاتسيالاۋ ءۇشىن 35 دەپۋتاتتىڭ 17-ءسى قولداپ داۋىس بەرگەن. وڭىرلەر اراسىنداعى شەكارانى بەكىتۋ تۋرالى كەلىسىمگە قول قويعان. الايدا ينگۋشەتيا حالقى بۇل شەشىمگە تۇبەگەيلى قارسىلىق ءبىلدىرىپ، نارازىلىق شارالارىن ۇيىمداستىردى.

"The Qazaq Times"