ەردوعان ءپۋتيندى كۇتىپ الدى. فوتو: Al Bawaba

اپتانىڭ سوڭعى كۇندەرى ستامبۋلدا ءسۇريانى تاقىرىپ ەتكەن تورتتىك سامميت وتپەك. تۇركيا تارابى ۇيىمداستىرعان سامميتكە گەرمانيا، فرانتسيا جانە رەسەي پرەزيدەنتتەرى كەلمەك.  اتالعان ەلدىڭ باسشىلارى ءيدليبتى نەگىزگى تاقىرىپ ەتەدى دەپ كۇتىلۋدە. بۇل تۋرالى تۇرىكتىڭ «انادولى» اقپاراتتىق اگەنتتىگى حابار تاراتقان بولاتىن.

كەزەكتى تورتتىك سامميت گەرمانيا كانتسلەرى انكەلا مەركەل، فرانتسيا پرەزيدەنتى ەممانۋەل ماكرون، رەسەي پرەزيدەنتى ۆلاديمير پۋتين، بۇۇ وكىلى دە ميستۋرا جانە رەجەپ تايىپ ەردوعان قاتارلى باسشىلاردىڭ كەزدەسۋىمەن وتەدى.

يدليبتەگى اتىستى توقتاتۋ جانە سۇرياداعى ساياسي داعدارىستى رەتكە سالۋ تۋرالى سامميت سوڭىندا ءتورت ەلدىڭ بىرلەسكەن دەكلاراتسياسى جاريالانباق. سونداي-اق، بۇل تورتتىك سامميت كەزىندە استانا پروتسەسىنە قاتىسۋشى ەلدەر مەن بۇۇ-نىڭ سۇرياداعى ارنايى وكىلى ستەففان دە ميستۋرانىڭ جەنەۆادا ۇيىمداستىرعان «شاعىن توبى» كەزدەسەدى.

بۇۇ وكىلى دە ميستۋرا كەلەر ايدا سۇرياداعى قىزمەتىنەن بوساماق. وعان دەيىن ول ءسۇريادا كونستيتۋتسيالىق كوميتەتتى قۇرۋعا جۇمىس ىستەيتىنىن ايتقان ەدى. قازىر دە ميستيۋرانىڭ باسشىلىعىندا تاراپتار كەلىسسوزگە بىرنەشە مارتە كەلدى .

“The Qazaq Times”