رەسەي پرەزيدەنتى ۆلاديمير پۋتين: «قارۋلانۋدان باسقا امال جوق» - دەپ مالىمدەدى.

پۋتين يتاليا پرەمەر-ءمينيسترى جۋزەپپە كونتەمەن بىرىگىپ وتكىزگەن ءباسپاسوز ءماسليحاتىندا اقش پرەزيدەنتى دونالد ترامپتىڭ رەسەيمەن اراداعى زىمىران كەلىسىمىنەن شىعۋىنا قاتىستى مالىمدەمەسىنە پىكىر بىلدەردى.

ول وندا: «زىمىرانعا قارسى قورعانىس كەلىسىمىنىڭ كۇشى جويىلدى. ەندى ورتا جانە قىسقا قاشىقتىقتاعى زىمىران كەلىسىمىنە كەلدىك. بۇدان بولەك ستراتەگيالىق قارۋلار كەلىسىمىنىڭ بولاشاعى دا بۇلىڭعىر. ەگەر بۇنىڭ بارلىعى بۇزىلاتىن بولسا، وندا قارۋلانۋعا شەكتەۋ قوياتىن ەشتەڭە قالمايدى. مەنىڭ ويىمشا، ءدال سول كەزدە قاۋىپتى بولادى جانە قارۋلانۋدان باسقا امال قالمايدى» - دەپ مالىمدەدى.

وتكەن اپتادا اقش پرەزيدەنتى دونالد ترامپ رەسەيمەن اراداعى زىمىران كەلىسىمىنەن شىعاتىندىعىن مالىمدەگەن. ونىڭ سوزىنشەن، اق ءۇي اكىمشىلىگىنىڭ بۇنداي قادامدارعا بارۋىنا رەسەيدىڭ كەلىسىمدى ورىنداماۋى سەبەپ بولعان.

اقش پەن رەسەي اراسىنداعى زىمىران كەلىسىمىنە 1987 جىلى قول قويىلعان. سول ۋاقىتتان بەرى قوس تاراپ ءبىر-ءبىرىن كەلىسىمدى ورىندامادى دەپ بىرنەشە رەت ايىپتاعان.

"The Qazaq Times"