The Associated Press اقپاراتتىق اگەنتتىگىنىڭ ءتىلشىسى، Jesse J. Holland. فوتو: Mara Beey

بۇگىن əل-فارابي اتىنداعى قازۇۋ-دىڭ جۋرناليستيكا فاكۋلتەتىندە The Associated Press اقپاراتتىق اگەنتتىگىنىڭ ءتىلشىسى، بەلگىلى جازۋشى Jesse J. Hollandپەن كەزدەسۋ ءوتتى. بەلگىلى جۋرناليسپەن كەزدەسۋدى فاكۋلتەت دەكانىنىڭ عىلىمي-يننوۆاتسيالىق جəنە حالىقارالىق مəسەلەلەر جونىندەگى ورىنباسارى قارلىعا مىساەۆا ۇيىمداستىردى.

كەزدەسۋ بارىسىندا حالىقارالىق ەتيكا تاقىرىبى باستى نازارعا الىنىپ، ستۋدەنتتەر ءوز ساۋالدارىنا ناقتى ءəرى ۇتىمدى جاۋاپ الدى. Jesse Holland ءوز سوزىندە: «بۇگىندە جۋرناليستيكاداعى دەموكراتيالىق باعىت پەن گۋمانيستىك پوزيتسيا بارشاعا ورتاق. اقش نەمەسە ەۋروپا، ازيا مەن پارسى شىعاناعى ەلدەرى ءۇشىن دە سولاي. جۋرناليست ەرقاشان ءوز پىكىرى مەن دەرەگىنە قايشى كەلەتىن جاعدايلاردان اۋلاق بولۋى قاجەت. Əلبەتتە، اقش-تا قۇقىقبۇزۋشىلىق ورىن الىپ، تىلشىلەر قيىندىققا ۇشىراپ جاتادى. ياعني بۇل جۋرناليستيكادا əر ءسوزدىڭ تەكسەرۋدەن ءوتۋ كەرەكتىگىن، ءəرى ەتيكالىق نورمالارعا باسا نازار بەرۋ كەرەكتىگىن بىلدىرەدى. جۋرناليستيكانىڭ قاي سالاسى بولماسىن ماڭىزدى جəنە قاۋىپكە تولى. سوعان قاراماستان، امەريكادا جۋرناليستيكا فاكۋلتەتىن تاڭداۋشىلار سانى جىلدان-جىلعا ارتىپ كەلەدى. دەمەك، بىزدەر ءۇشىن ەڭ باستى ەرەجە – قاساقانا جازۋ مەن جەكە باستى دəرىپتەۋدەن اۋلاق بولۋ» – دەيدى.
اقش جۋرناليستەرىنىڭ تاجىريبەسىنە ساي، جۋرناليستىك ەتيكا مەن جازۋ ءادىسىنىڭ ءمانى – قۇرعاق دەرەك ارقىلى ەمەس اۆتورلىق باعالاۋ ارقىلى جەتىستىككە جەتۋ. بايقاپ وتىرعانىمىزداي، بۇل اقش جۋرناليستيكاسىنا تəن جاڭاشىلدىق. باق سالاسىندا جۋرناليستىك ەتيكانىڭ ماڭىزى زور. ەتيكا جۋرناليستىك قىزمەتتىڭ əر سالاسىندا كورىنىس تاۋىپ وتىرادى. مəسەلەن، باق پەن اۋديتوريا اراسىنداعى بايلانىستا ءجۋرناليستىڭ ينفورماتسيا كوزدەرىن پايدالانۋى، وبەكتيۆتى حابار تاراتۋى، ءتىپتى بولماسا رەسپوندەنتپەن ديالوگ بارىسىندا ءوز-ءوزىن كورسەتە ءبىلۋى. مۇنداي جاعدايدا جۋرناليستىك زەرتتەۋدى دە نازارعا العانىمىز ءجون. امەريكا تəجىريبەسىندە زەرتتەۋدى باستاۋ ءۇشىن جاقسى دەرەك قورىنىڭ ساقتالۋى ماڭىزدى. جۋرناليستىك زەرتتەۋ كوپ رەتتە الەۋمەتتىك تۇراقسىزدىق پەن ءتۇرلى رەۆوليۋتسيالار كەزەڭىندە داميدى. رەپورتەر قۇندى دەرەكتەردى رەتتەگەندە، ماقالادا اۆتوردىڭ كوزقاراسى، جەكە باعاسى پايدا بولادى. ال بۇل وقىرماننىڭ قابىلداۋىنا زور ىقپال ەتەدى. سول سەبەپتى سىناۋ تەورياسىن مەڭگەرە وتىرىپ، ەتيكاعا باسا مəن بەرۋ كەرەك. وسىنداي جاعدايدا عانا تۋىندى اۆتورى ءوز پىكىرىنىڭ وبەكتيۆتىلىگىن دالەلدەي الادى.
كەلەلى كەزدەسۋدەن تۇيگەنىمىزدەي، وتاندىق باق زاماناۋي وزىق تەحنيكا مەن تەحنولوگيانىڭ وركەندەۋىنەن شەت قالماۋى شارت. سونداي-اق شەتەلدىك ۇلگىنىڭ جاقسىسىن مەڭگەرۋ ارقىلى جۋرناليستيكانىڭ ءمان-ماڭىزىن ارتتىرا الامىز.

كەزدەسۋ سوڭىندا Jesse Holland مىرزاعا جۋرناليستيكا فاكۋلتەتىنىڭ اتىنان تارتۋ-تارالعى تابىستالىپ، جاس تىلشىلەر مەن ستۋدەنتتەرگە ءجۋرناليستىڭ «The Black Panther: Who Is The Black Panther?»، «Star Wars: The Force Awakens – Story» سىندى اۆتورلىق ەڭبەكتەرى ءوز قولتاڭباسىمەن سىيعا بەرىلدى. الداعى ۋاقىتتا وسىنداي تاجىريبەلىك ماڭىزى زور شارالار ۇيىمداستىرىلادى دەگەن سەنىمدەمىز.

اقپارات
Jesse J. Holland – «The Black Panther: Who Is The Black Panther?»، «Star Wars: The Force Awakens – Finn's Story» بەستسەللەرىنىڭ اۆتورى. ءبىراز ۋاقىت اقش كونگرەسى، جوعارى سوت پەن اق ءۇيدىڭ ەكس-كوررەسپوندەنتى قىزمەتىن اتقارعان. جۋرناليستيكا سفەراسىندا 25 جىلدىق تاجىريبەسى بار ول قازىرگى ۋاقىتتا əلەمگە əيگىلى The Associated Press اقپاراتتىق اگەنتتىگىنىڭ بەدەلدى ءتىلشىسى.

"The Qazaq Times"