ەۋروپا حالقىنىڭ ۇشتەن بىرىنە جۋىعى كەدەيلىك الدىندا تۇر. فوتو: The New European.

ەۋروپا ستاتيستيكالىق ورتالىعى جاريالاعان مالىمەتكە قاراعاندا، ەۋروپانىڭ 112,9 ملن ازاماتى كەدەيلىكتىڭ از-اق الدىندا تۇر. بۇل سان تۇتاس ەو-عا مۇشە ەلدەر حالقىنىڭ 22,5 پايىزىن ۇستايدى. بۇل تۋرالى The New European حابارلادى.

ستاتيستيكالىق مالىمەتتەرگە قاراعاندا، كەدەيلىككە جاقىن ءومىر ءسۇرىپ جاتقان 112,9 ملن ادام ەو-عا مۇشە ەلدەردىڭ 21,6 پايىز ەرلەرىن، 23,3 پايىز ايەلدەرىن قامتيدى.

2017 جىلعى كورسەتكىشكە سايكەس، بولگاريا حالقىنىڭ 38,9 پايىزى، رۋمىنيانىڭ 35,7 پايىز حالقى، گرەكيانىڭ 34,8 پايىز ازاماتىنا كەدەيلىك قاۋىپى ءتونىپ تۇر.

ازاماتتارىنىڭ ءال-اۋقاتى ءبىرشاما جوعارى ەلدەردىڭ كوشىن چەحيا باستاپ تۇر. كەدەيلىك قاۋىپى تونگەن چەحيا ازاماتتارى جالپى ەل حالقىنىڭ 12,2 پايىزىن عانا يەلەگەن. بۇدان كەيىنگى ورىنداردا 15,7 پايىزبەن فينليانديا، 16,3 پايىزبەن سلوۆاكيا،17 پايىزبەن گوللانديا ەلدەرى تۇر.

مالىمەتتەرگە قاراعاندا ەۋروپالىق وداققا مۇشە ەلدەر تۇرعىندارىنىڭ الەۋمەتتىك جاعدايى 2008-2017 جىلدار ارالىعىندا تومەندەي تۇسكەنى بايقالعان.

“The Qazaq Times”