ساۋد ارابياسىنىڭ ستامبۋلداعى ەلشىلىگى. فوتو: India TV.

ساۋد ارابياسىنىڭ ستامبۋلداعى باس ەلشىسى ەلىنە قايتتى. بۇل تۋرالى تۇركيانىڭ اقپارات قۇرالدارى حابارلادى.

تۇركيانىڭ ستانبۋل قالاسىنداعى ساۋد ارابيا باس ەلشىسى مۇحاممەد ءال-ۋتەيبي بۇگىن تۇركيا جەرگىلىكتى ۋاقىتىمەن 17:00-دە اتاتۇرىك اۋەجايىنان ەلىنە اتتانادى.

اتالعان حابار ساۋد ارابياسىنىڭ تۇركياداعى ەلشىلىگى جانە تۇركيا ءسىم تارابىنان جاسالعان.

حابارلارعا قاراعاندا، مۇحاممەد ءال-ۋتەيبيدىڭ ەلىنە قايتۋىنا تۇرىك ۇكىمەتى جاعىنان جاسالعان قىسىمدار سەبەپ بولۋى مۇمكىن.

ايتا كەتەيىك، 2 قازان كۇنى ساۋد ارابيالىق وپپوزيتسيا ءجۋرناليستى جامال حاشوگگي وسى ەلشىلىككە كىرگەننەن كەيىن ءىز-ءتۇسسىز جوعالىپ كەتكەن بولاتىن. وسىدان كەيىن ساۋد ارابياسىنا حالىقارالىق قىسىمدار كۇشەيدى.

“The Qazaq Times”