پومپەو تۇركياعا بارادى. فوتو: ءال-جازيرا.

ساۋد ارابياسىنداعى رەسمي ساپارىن اياقتاعان اقش مەملەكەتتىك حاتشىسى پومپەو بۇگىن، 17 قازان كۇنى تۇركياعا ات باسىن تىرەيدى. بۇل تۋرالى «انادولى» اقپاراتتىق اگەنتتىگى حابارلاعان بولاتىن.

پومپەو ساۋد ارابياسىنىڭ ورتالىق قالاسى ەر-ريادتا 2 قازان كۇنى جوعالىپ كەتكەن وپپوزيتسيالىق جۋرناليست جامال حاشوگگيدىڭ ىسىنە بايلانىستى كەلىسسوز وتكىزدى.

ەستەرىڭىزدە بولسا،  جامال حاشوگگي تۇركياداعى ساۋد ارابياسىنىڭ ەلشىلىگىنە كىرگەننەن كەيىن ءىز-ءتۇسسىز جوعالعان بولاتىن. تۇركيا تارابى ونى ساۋد ارابيالىق اگەنتتەردىڭ ولتىرگەنىن ايتىپ مالىمدەمە جاساعان ەدى. الايدا، ساۋد ۇكىمەتى بۇل مالىمدەمەنى جوققا شىعارعان بولاتىن.

ال، اقش ۇكىمەتى ساۋد ارابياسىنىڭ حاشوگگگيدى ولتىرگەنى راستالسا اۋىر جازا كۇتىپ تۇرعانىن ايتقان.

ەۋروپالىق ەلدەر دە حاشوگگي ىسىنە بايلانىستى ساۋد ارابياسى مەن تۇركيانىڭ بىرلەسكەن تەكسەرۋ الىپ بارۋىن تالاپ ەتكەن بولاتىن.

اقش مەملەكەتتىك حاتشىسى پومپەو بۇل ساپارىندا تۇركيا ءسىم باسشىسى مەۆلۋت شاۆۋشوعلۋمەن كەزدەسەدى.

“The Qazaq Times”