ينگۋشەتيا مەن شەشەنستان اراسىنداعى اكىمشىلىك شەكارانى بەلگىلەۋ تۋرالى كەلىسىم زاڭدى  كۇشىنە ەندى. كەلىسىمگە ساي ەندى ەك ايماق جەر الماسادى.

وتكەن ايدا ينگۋشەتيا پرەزيدەنتى يۋنۋس-بەك ەۆكۋروۆ پەن رامزان قادىروۆ ەكى ايماق اراسىنداعى اكىمشىلىك شەكارانى بەكىتۋ تۋرالى كەلىسىمگە قول قويدى. كەلىسىمدى راتيفيكاتسيالاۋ ءۇشىن 35 دەپۋتاتتىڭ 17-ءسى قولداپ داۋىس بەرگەن. بىراق جەرگىلىكتى تۇرعىندار بۇل شەشىمگە تۇبەگەيلى قارسىلىق ءبىلدىرىپ، ەرەۋىلگە شىققان بولاتىن. نارازى توپ ينگۋشەتيا استاناسى ماگاس قالاسىندا جولدى جاۋىپ، بيلىكتەن شەكارا ماسەلەسىنە قاتىستى شەشىمدى وزگەرتۋىن تالاپ ەتتى. ەكى ەلدىڭ شەشىمىنە جۇزدەگەن حالىق قانا ەمەس، كونستيتۋتسيالىق سوت تا قارسىلىق بىلدىرگەن. سونداي-اق ينگۋشەتيانىڭ ەكس-پرەزيدەنتى رۋسلان اۋشەۆ رەسپۋبليكا باسشىلىعىنىڭ شەشەنستانمەن كەلىسىم جاساسۋدا قاتەلىك جىبەرگەنىن مالىمدەدى. ال ينگۋشەتيا دەپۋتاتتارى پارلامەنت وتىرىسىنا قاتىسپاعاندىقتان، كەلىسىم ۋاقىتشا شەگەرىلگەن.

"The Qazaq Times"