اقش-تىڭ مەملەكەتتىك حاتشىسى مايك پومپەو ساۋد ارابياسىنىڭ كورولى سالمانمەن ەر-ريادتا كەزدەسپەك. بۇل تۋرالى Reuters حابارلادى.
كەزدەۋدە پومپەو دونالد ترامپتىڭ تاپسىرماسى بويىنشا كونسۋلدىقتا ءىز-ءتۇسسىز جوعالعان ءتىلشى جامال حاشوگگيدىڭ ماسەلەسىن تالقىلايدى. ساۋد ارابيا تاراپى وقيعا بولعان كۇننەن كەيىنگى ەكى اپتادان سوڭ جۋرناليست جامال حاشوگگيدىڭ جوعالۋىنا بايلانىستى تەرگەۋ جۇرگىزۋگە بۇيرىق بەرگەن بولاتىن. ال تۇركيا قۇقىق قورعاۋ ورگاندارى ساۋد ارابياسىنىڭ ستامبۋلداعى كونسۋلدىق عيماراتىنا ءتىنتۋ جۇرگىزگەن.
15 قازاندا اقش پرەزيدەنتى دونالد ترامپ جۋرناليسكە قاتىستى جاعدايدى تالقىلاۋ ءۇشىن ەر-ريادقا مەملەكەتتىك حاتشى مايك پومپەونى جىبەردى. بۇعان دەيىن ترامپ ساۋد ارابياسى بيلىگىنىڭ ءجۋرناليستىڭ ولىمىنە قاتىسى بارى راستالسا، قارۋ-جاراق تاسىمالداۋ بويىنشا كەلىسىمنىڭ كۇشىن جوياتىنىن مالىمدەدى.
ايتا كەتەر بولساق، جامال حاشوگگي – ساۋد ارابياسى بيلىگىن سىناعان وپپوزيتسيالىق جۋرناليست. 2017 جىلدان بەرى امەريكادا تۇراقتاپ، ءبىراز ۋاقىت Washington Post باسىلىمىندا شولۋشى قىزمەتىن اتقارعان. ول 2 قازاندا ستامبۋلداعى ساۋد ارابياسى كونسۋلدىعىنا كىرىپ، ءىز-ءتۇزسىز جوعالدى. تۇرىك بيلىگى ءجۋرناليستى ەلشىلىكتە ازاپتاپ ءولتىرۋى مۇمكىن دەيدى. قازىرگى ۋاقىتتا ءالى كۇنگە دەيىن شەشىمىن تاپپاعان وقيعا باتىس ەلدەرىن الاڭداتىپ وتىر.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن