گەرمانيا اۋستريامەن شەكاراداعى باقىلاۋدى كۇشەيتپەك

گەرمانيا اۋستريامەن شەكاراداعى باقىلاۋدى جارتى جىلعا ۇزارتادى.

بۇل شەشىمدى گەرمانيا تاراپى اۋستريا، شۆەتسيا، نورۆەگيا مەن دانيانىڭ كەلىسىمىن العان سوڭ ەۋرووداق ەلدەرىنىڭ باسشىلارىنا ايتقان. شەكارا قاۋىپسىزدىگى جانە ميگراتسيا ماسەلەسى ەۋروپا ەلدەرىنىڭ باستى نازارىندا. گەرمانيادان سوڭ اتالعان مەملەكەتتەر دە شەكارا باقىلاۋىن قالپىنا كەلتىرگەن بولاتىن. سوعان قاراماستان 2017 جىلى اۋستريا مەن گەرمانيا شەكاراسىندا 14600-دەي ادام ۇستالىپ، جارتىسىنا جۋىعى وتانىنا قايتارىلعان.

گەرمانيا ءسىم حورست زەەحوفەر: «قازىرگى ۋاقىتتا ەو-نىڭ ىشكى شەكاراسىن باقىلاۋسىز قالدىرۋعا بولمايدى. 2015 جىلى شەنگەن شەكارالىق كودەكسىنە سايكەس وسى ماسەلە كوتەرىلىپ، شەكارانى باقىلاۋعا الۋ كوزدەلدى. بىراق سول ۋاقىتتان بەرى ەۋروپانىڭ سىرتقى شەكاراسى ايتارلىقتاي قاداعالانباي، گەرمانياعا سالقىنىن تيگىزدى. سەبەبى، الەمدىك ميگراتسيا كۇننەن كۇنگە كۇشەيۋدە»، – دەيدى.

ايتا كەتەيىك، تامىز ايىندا يران مەن ءسۇريادان كەلگەن ەكى كەلىمسەك 35 جاستاعى نەمىس ازاماتىن پىشاقاپ ولتىرگەن بولاتىن. قاندى وقيعا كۇللى گەرمانيانى دۇرلىكتىرىپ، حەمنيتس قالاسىنىڭ تۇرعىندارى جاپپاي ەرەۋىلگە شىققان. سونداي-اق وسى جىلدىڭ الاشقى ءتورت ايىندا گەرمانيا مەن اۋستريا شەكاراسىندا زاڭسىز ارەكەت ەتكەن 3800 ادام ۇستالعان. اتالعان وقيعالاردان كەيىن گەرمانيا بيلىگى شەكارانى قاتاڭ باقىلاۋعا الىپ، ميگراتسيا ماسەلەسىن رەتتەۋگە كۇش سالماق.

"The Qazaq Times"