فوتو; زrosports.kz

AIBA پرەزيدەنتى بولۋعا ۇمىتكەر اتانعان قازاقستاندىق وكىل سەرىك
قوناقباەۆتىڭ اپەللياتسياسىن لوزانناداعى سپورتتىق اربيتراجدى سوتى قابىل
الدى. قازاقستاندىق وكىل ءوزىن حالىقارالىق اۋەسقوي بوكس قاۋىمداستىعىنىڭ
پرەزيدەنتتىگىنە ۇمىتكەر رەتىندە تىركەمەي قويعانى ءۇشىن ارىزدانعان ەدى.

ءوزىن ۇمىتكەر رەتىندە تىركەمەي قويعانى ءۇشىن سەرىك قوناقباەۆ قالايدا
سايلاۋعا قاتىسۋعا شەشىم العىسى كەلەدى. ەسكە سالايىق، اتالعان سايلاۋ 2-3
قاراشا كۇندەرى ماسكەۋ قالاسىندا وتپەك.

رەسەي بوكس فەدەراتسياسىنىڭ باس حاتشىسى ۋمار كرەملەۆتىڭ ايتۋىنشا،
قوناقباەۆتىڭ پرەزيدەنت اتانۋعا ەش مۇمكىندىگى جوق.

«قوناقباەۆتىڭ سايلاۋعا قاتىسۋىنا ەشكىم تىيىم سالعان جوق. تەك ول ءوزى
ءتيىستى 20 داۋىستى جيناپ ۇلگەرە الماي قالدى. تازا زاڭدىق تۇرعىدان
قارايتىن بولساق ونىڭ ەشقانداي مۇمكىندىگى جوق. ءتىپتى سايلاۋعا قاتىسقان
كۇننىڭ وزىندە پرەزيدەنت بولا المايدى. سەبەبى، عافۋر راحيموۆ كوپتەگەن
ۇلتتىق فەدەراتسيالاردىڭ قولداۋىنا يە» دەپتى ول.

ەسكە سالا كەتسەك، وزبەكستاندىق عافۋر راحيموۆ قازىرگى تاڭدا AIBA
پرەزيدەنتى بولۋعا جالعىز كانديدات. ول قازىر ۇيىم باسشىسىنىڭ مىندەتىن
ۋاقىتشا اتقارۋدا. ءبىر قىزىعى، بۇعان دەيىن حالىقارالىق وليمپيادا
كوميتەتى راحيموۆتى سايلاۋعا تۇسپەۋگە شاقىرعان. ەگەر وزبەكستاندىق وكىل
پرەزيدەنت اتاناتىن بولسا وندا حوك بوكستى وليمپيادا ويىندارىنىڭ
باعدارلاماسىنان الىپ تاستاۋى مۇمكىن. اقش قارجى مينيسترلىگىنىڭ
شەتەلدىك اكتيۆتەردى باقىلاۋ دەپارتامەنتى راحيموۆتى سانكتسيالىق تىزىمگە
قوسۋى دا حوك شەشىمىنە اسەر ەتسە كەرەك. سونداي-اق اقش قارجى مينيسترلىگى
ونىڭ (راحيموۆتىڭ) دوللار ارقىلى كەز كەلگەن قارجىلىق وپەراتسيانى جۇزەگە
اسىرۋىنا تىيىم سالعان.

AIBA-نىڭ بۇرىنعى باسشىسى چينگ كۋو ۆۋ 2017 جىلى قاراشا ايىنىڭ
باسىندا AIBA اتقارۋشى كوميتەتىنىڭ شەشىمىمەن قىزمەتتەن شەتتەتىلگەن.

"The Qazaq Times"