بەيجىڭدەگى قول الىسۋ. فوتو: VOA.

اقش مەملەكەتتىك دەپارتامەنتى سەيسەنبى كۇنى مالىمدەمە جاساپ، 8 قازاندا پومپەو مەن قىتاي ءسىم ۋاڭ ءيدىڭ بەيجىڭدەگى كەزدەسۋدە، ءبىر-ءبىرىن اشىق ايىپتاۋى ەكى ەلدىڭ كحدر ماسەلەسىندەگى بىرجاقتىلىعىنا اسەر ەتپەيتىنىن ايتتى. بۇل تۋرالى VOA جاڭالىقتار قىزمەتى حابارلادى.

اقش مەملەكەتتىك دەپارتامەنتىنىڭ وكىلى حيزەر ناۋەرت (Heather Nauert) تىلشىلەردىڭ سۇراۋلارىنا بەرگەن جاۋابىندا: «سولتۇستىك كورەيانى يادروسىزداندىرۋ ماسەلەسىندە قىتاي ۇكىمەتى وزدەرىنىڭ نەنى قولدايتىندارىن تالاي رەت ايتىلىپ ءجۇر. كورەي تۇبەگىن يادروسىزداندىرۋدىڭ ماڭىزدىلىعى بارلىعىمىزعا انىق، سوندىقتان، ولار بىزبەن بىرگە بولاتىنىنا سەنەمىن»،- دەدى.

ءوزىن «بەيبىتشىلىك جارشىسى» رەتىندە كورسەتكىسى كەلەتىن بەيجىڭ بيلىگى، سولتۇستىك كورەيانىڭ يادرولىق قارۋسىزدانۋىن قولداعان سىڭاي تانىتىپ كەلەدى. دەگەنمەن، ترامپ پەن كيم جوڭ ۋن كەزدەسۋىنىڭ الدىندا ۋاشينگتون تارابى اقش-كحدر كەلىسسوزدەرىنە قىتايدىڭ كەدەرگى كەلتىرىپ وتىرعانىن دا ايتقان بولاتىن.

“The Qazaq Times”