رەسەي ۇكىمەتى دوللاردان باس تارتاتىن ارنايى ەكونوميكالىق جوسپار دايىنداۋدا.

The Bell اقپارات كوزىنىڭ مالىمەتىنشە، رەسەي ۇكىمەتى دوللارعا بايلانعان ەل ەكونوميكاسىن اقش ۆاليۋتاسىنىڭ ىقپالىنان الىپ شىعۋ ءۇشىن ارنايى جوسپار دايىنداۋدا. جوسپار بويىنشا، الداعى ۋاقىتتا رەسەي ءوزىنىڭ باستى ساۋدا سەرىكتەستەرى ەۋرووداق جانە قىتايمەن تەك يۋان مەن ەۋرونى پايدالانىپ ساۋدا-ساتتىق جاساماق. ال ەۋرازيالىق ەكونوميكالىق وداق ەلدەرىمەن (قازاقستان، قىرعىزستان، بەلارۋس، ارمەنيا) ءوزارا ساۋدا-ساتتىقتا رۋبلمەن ەسەپ ايىرىسپاق.

ەستەرىڭىزگە سالايىق، بۇعان دەيىن اقش دوللارىنان باس تارۋ جونىندە تۇركيا پرەزيدەنتى رەجەپ تايىپ ەردوعان ارنايى مالىمدەمە جاساعان. كەيىننەن ونىڭ بۇل باستاماسىن تۇركيا حالقى قولداپ، كوپشىلىك الدىندا دوللارلاردى ورتەگەن.

"The Qazaq Times"