Фото: Капитал.кз

Ресей үкіметі доллардан бас тартатын арнайы экономикалық жоспар дайындауда.

The Bell ақпарат көзінің мәліметінше, Ресей үкіметі долларға байланған ел экономикасын АҚШ валютасының ықпалынан алып шығу үшін арнайы жоспар дайындауда. Жоспар бойынша, алдағы уақытта Ресей өзінің басты сауда серіктестері Еуроодақ және Қытаймен тек юань мен еуроны пайдаланып сауда-саттық жасамақ. Ал Еуразиялық экономикалық одақ елдерімен (Қазақстан, Қырғызстан, Беларусь, Армения) өзара сауда-саттықта рубльмен есеп айырыспақ.

Естеріңізге салайық, бұған дейін АҚШ долларынан бас тару жөнінде Түркия президенті Режеп Тайып Ердоған арнайы мәлімдеме жасаған. Кейіннен оның бұл бастамасын Түркия халқы қолдап, көпшілік алдында долларларды өртеген.

"The Qazaq Times"