ليۋزون قالاسىنا جاقىن ماڭدا اقش پەن فيليپپين كۇشتەرى بىرلەسكەن اسكەري جاتتىعۋى باستالدى. فوتو: VOA.

اقش تەڭىز كۇشتەرى مەن ءفيليپپيننىڭ قارۋلى كۇشتەرى دۇيسەنبى كۇنى ءفيليپپيننىڭ ليۋزون قالاسىنا جاقىن ماڭدا بىرلەسكەن اسكەري جاتتىعۋ وتكىزدى. اقش تەڭىز كۇشتەرىنە قاراستى ءۇشىنشى ەكسپەديتسيا بريگاداسى جانە فيليپپين ارمياسى Subic Bay حالىقارالىق اۋەجايىندا ەكىنشى 10 كۇندىك «تەڭىز جاۋىنگەرلەرى ىنتىماقتاستىعى» جاتتىعۋىنىڭ باستادى. بۇل تۋرالى VOA جاڭالىقتار قىزمەتى حابارلادى.

ەكى ەلدىڭ اسكەري كۇشتەرى تەرروريزمگە قارسى ورتاق كۇرەس جۇرگىزۋ، گۋمانيتارلىق كومەك پەن اپاتتاردىڭ سالدارىن جويۋ مۇمكىندىكتەرىن جەتىلدىرۋ سىندى جاتتىعۋ تالاپتارىنا باعىتتالعان كەزەكتى بىرلەسكەن اسكەري جاتتىعۋعا جاپونيانىڭ دا تەڭىز كۇشتەرى قاتىسقان.

بىلتىر قازان ايىندا اقش پەن فيليپپين ءبىرىنشى رەت بىرلەسكەن اسكەري جاتتىعۋ وتكىزگەن بولاتىن. الايدا، فيليپپين پرەزيدەنتى دۋتتەرتە اقش-پەن بىرلەسكەن اسكەري وقۋ-جاتتىعۋلاردى ءتيىمسىز دەپ باعالاعان بولاتىن. وسىعان بايلانىستى اقش تارابى فيليپپينمەن وتكىزۋدى جوسپارلاعان تەڭىزدەگى قونۋ جاتتىعۋلارىنان باس تارتتى.

كەيبىر ساراپشىلاردىڭ پىكىرىنە سەنسەك، فيليپپين ۇكىمەتى وزىنە جاقىن ءارى ەڭ ءىرى ساۋدا سەرىكتەسى قىتايدىڭ رەنجىتىپ الماۋ ءۇشىن، اقش-پەن كەلىسكەن قورعانىس ىنتىماقتاستىقتارىن كەرى شەگەردى دەپ قارايدى.

“The Qazaq Times”