Люзон қаласына жақын маңда АҚШ пен Филиппин күштері бірлескен әскери жаттығуы басталды. Фото: VOA.

АҚШ Теңіз күштері мен Филиппиннің қарулы күштері дүйсенбі күні Филиппиннің Люзон қаласына жақын маңда бірлескен әскери жаттығу өткізді. АҚШ теңіз күштеріне қарасты үшінші экспедиция бригадасы және Филиппин армиясы Subic Bay Халықаралық әуежайында екінші 10 күндік «Теңіз жауынгерлері ынтымақтастығы» жаттығуының бастады. Бұл туралы VOA жаңалықтар қызметі хабарлады.

Екі елдің әскери күштері терроризмге қарсы ортақ күрес жүргізу, гуманитарлық көмек пен апаттардың салдарын жою мүмкіндіктерін жетілдіру сынды жаттығу талаптарына бағытталған кезекті бірлескен әскери жаттығуға Жапонияның да теңіз күштері қатысқан.

Былтыр қазан айында АҚШ пен Филиппин бірінші рет бірлескен әскери жаттығу өткізген болатын. Алайда, Филиппин президенті Дуттерте АҚШ-пен бірлескен әскери оқу-жаттығуларды тиімсіз деп бағалаған болатын. Осыған байланысты АҚШ тарабы Филиппинмен өткізуді жоспарлаған теңіздегі қону жаттығуларынан бас тартты.

Кейбір сарапшылардың пікіріне сенсек, Филиппин үкіметі өзіне жақын әрі ең ірі сауда серіктесі Қытайдың ренжітіп алмау үшін, АҚШ-пен келіскен қорғаныс ынтымақтастықтарын кері шегерді деп қарайды.

“The Qazaq Times”