فوتو: El Pais

نوبەل سىيلىعىنىڭ مەديتسينا سالاسىنداعى جۇلدەسى دجەيمس ەلليسون مەن تاسۋكۋ حوندزەگە تاپسىرىلدى، - دەپ حابارلايدى yeniakit.com.tr نوبەل سىيلىعى كوميتەتىنىڭ تۆيتتەردەگى حابارلاماسىنا سىلتەمە جاساپ.

عالىمدارعا نوبەل جۇلدەسى ونكولوگيالىق اۋرۋلاردى ەمدەۋ تەراپياسىنىڭ جاڭا ءتۇرىن اشقاندارى ءۇشىن تاپسىرىلعان. ولار اۋرۋدى يممۋن جۇيەسىنىڭ قابىلەتىن قاۋىپتى ىسىك كلەتكالارىنا شابۋىلداۋعا بەيىمدەۋ جولىمەن ەمدەۋدى ۇسىنعان. ەمشارا ءتيىمدى بولىپ شىققان.  نوبەل سىيلىعىن تاپسىرۋ بارىسىندا فيزيكا، حيميا، ەكونوميكا، سونىمەن قاتار بەيبىتشىلىك جۇلدەگەرلەرى دە اتالدى. ال، ادەبيەت سالاسىنداعى نوبەل جۇلدەگەرىنە بيىل سىيلىق تابىستالمايدى. جۇلدەگەرلەرگە سىيلىقتى تابىستاۋ ۇستىمىزدەگى جىلدىڭ 10 جەلتوقسانىندا وتكىزىلەدى.

“The Qazaq Times”