فوتو: EPA

ەۋرووداق جويقىن جەر سىلكىنىسىنىڭ سالدارىن جويۋ ءۇشىن يندونەزياعا 1,5 ملن ەۋرو ءبولدى، - دەپ حابارلايدى DW  ەۋرووداقتىڭ مالىمدەمەسىنە سىلتەمە جاساپ.

ەو بولگەن قارجى تۇرعىنداردىڭ «قاتتى زارداپ شەككەن» توبىن ءدارى-دارمەك پەن ازىق-تۇلىكپەن قامتاماسىز ەتۋگە باعىتتالادى، - دەپ مالىمدەگەن ەۋرووداقتىڭ داعدارىسقا قارسى شارالار مەن گۋمانيتارلىق كومەك جونىندەگى كوميسسارى  حريستوس ستيليانيديس. ودان بولەك، ەۋروكوميسسيا زارداپ شەككەن ايماققا گۋمانيتارلىق ماسەلە جونىندەگى ماماندار جىبەرۋگە نيەتتى.

ەسكە سالايىق، 28 قىركۇيەك كۇنى يندونەزيادا 7,5 باللدىق جويقىن جەر سىلكىنىسى ورىن العان ەدى. سوڭعى مالىمەتتەر بويىنشا، اپات قۇرباندارىنىڭ سانى 832 ادامعا جەتكەن، سونىمەن قاتار، 500-دەن استام ادام جاراقات العان.

“The Qazaq Times”