پالەستينا اقش-تىڭ ۇستىنەن حالىقارالىق سوتقا شاعىم ءتۇسىردى

امەريكا ەلشىلىگىنىڭ تەل-اۆيۆتەن يەرۋساليمگە كوشىرىلۋىنە بايلانىستى پالەستينا اقش-تى حالىقارالىق سوتقا بەردى. بۇل تۋرالى mepanews.com سوتتىڭ سايتىنا سىلتەمە جاساپ حابارلايدى.

پالەستينالىق تاراپتىڭ پىكىرىنشە، امەريكالىق بيلىكتىڭ شەشىمى 1961 جىلعى ديپلوماتيالىق بايلانىستار تۋرالى ۆەنا كونۆەنتسياسىنا قايشى. «ۆەنا كونۆەنتسياسى بويىنشا، ديپلوماتيالىق وكىلىن جىبەرۋشى ەل مىندەتى ديپلوماتيالىق وكىلدى قابىلداۋشى مەملەكەتتىڭ زاڭىنا قايشى ارەكەت جاساماۋى كەرەك. اقش-تىڭ ءوز ەلشىلىگىن يەرۋساليمگە كوشىرىلۋى ۆەنا كونۆەنتسياسىن بۇزۋ بولىپ تابىلادى»، - دەگەن پالەستينا بۇۇ-نى اقش-تىڭ وسى ارەكەتىن زاڭ بۇزۋشىلىق دەپ تانىپ جانە امەريكانىڭ يەرۋساليمنەن ديپلوماتىن كەرى قايتارۋعا شاقىردى.

ەسكە سالايىق، وتكەن جىلدىڭ 6 جەلتوقسانىندا اقش پرەزيدەنتى دونالد ترامپ يەرۋساليمدى رەسمي تۇردە ءيزرايلدىڭ استاناسى دەپ تانىپ، امەريكالىق ەلشىلىكتى سول جاققا كوشىرۋە جارلىق شىعارعان ەدى.  وسىعان جاۋاپ رەتىندە يسلام ىنتىماقتاستىق ۇيىمى ەلدەرى شىعىس يەرۋساليم استاناسىمەن پالەستينا مەملەكەتىن مويىندايتىندىقتارىن مالىمدەگەن بولاتىن. الايدا، وسىعان قاراماستان وسى جىلدىڭ 15 مامىرىندا اقش يەرۋساليمدە ءوزىنىڭ ەلشىلىگىن اشتى.

“The Qazaq Times”