F-35 بومبالاۋشى ۇشاقتارى.

اقش اسكەري اۋە كۇشتەرى العاش رەت زاماناۋي F-35 ۇشاعىن اشىق سوعىستا پايدالاندى.

AFP اقپارات اگەنتتىگىنىڭ مالىمەتىنشە، قىركۇيەك ايىنىڭ 27-ءى كۇنى اۋعانستاننىڭ قانداعار پروۆينتسياسى اۋماعىنداعى تاليبان قوزعالىسى سودىرلارىن بومبالاۋ بارىسىندا العاش رەت F-35 ۇشاقتارىن پايدالانعان. اقش اسكەري اۋە كۇشتەرىنىڭ ورتالىق باسقارۋ شتابى وكىلدەرىنىڭ سوزىنشە، وپەراتسيا كەزىندە F-35ۆ الدىنا قويىلعان تاپسىرمالاردىڭ بارلىعىن ورىنداعان.

F-35 كوپ سالالى ۇشاعى يادرولىق وقتۇمسىق الىپ جۇرۋگە قاۋقارلى. ونى قۇراستىرۋعا اقش، ۇلىبريتانيا، دانيا، يتاليا، كانادا، نيدەرلاند، نورۆەگيا جانە تۇركيا ينجەنەرلەرى قاتىسقان.

"The Qazaq Times"