فوتو: kpcdn.net

بۇۇ باس اسسامبلەياسىنىڭ 73-سەسسياسىندا فرانتسيا پرەزيدەنتى ەممانۋەل ماكرون الەم ءۇشىن ساياساتتان بۇرىن ەكونوميكانىڭ ماڭىزدى ەكەنىن ايتتى.

ءوز سوزىندە ول: «امەريكا پرەزيدەنتى دونالد ترامپ جۇرگىزىپ وتىرعان ساياساتقا قاتىستى پىكىر بىلدىرەر بولسام، مۇنايدى يراننىڭ ەكسپورتتاعانى بارلىعىمىز ءۇشىن ءتيىمدى دەر ەدىم. نارىق قاشان دا سۇرانىسقا مۇقتاج. سول ءۇشىن ساياسي ماسەلەلەردەن بۇرىن ەكونوميكانى رەتكە كەلتىرگەن ءجون دەپ سانايمىن»، – دەدى.

ماكروننىڭ پىكىرىنشە، امەريكانىڭ سانكتسيالارى الەمدىك مۇناي باعاسىن ادەتتەگىدەن قىمباتتاتىپ جىبەرگەن جانە باستى ماسەلە مۇنايعا قاتىستى بولعاندىقتان، مەملەكەتتەر ەكونوميكاعا باسا نازار اۋدارۋى ءتيىس.

بيىل اقش يرانمەن بىرلەسكەن يادرولىق كەلىسىمنەن شىعىپ، سانكتسيالاردى قايتا جۇزەگە اسىردى. ال كەلىسىمدى بۇزباعان بەس مەملەكەت باسشىلارى تەھرانمەن بايلانىستى ۇزبەيتىنىن ايتىپ، دونالد ترامپتىڭ شەشىمىنە قارسىلىق ءبىلدىردى.

"The Qazaq Times"