گەرمانيادا پوپۋليستىك پارتيانىڭ بەدەلى ارتتى

بۇگىندە گەرمانياداعى پوپۋليستىك پارتيا ەكىنشى ساياسي كۇشكە اينالعان. ميگراتسيا ماسەلەسىن قاراستىرىپ، بوسقىنداردى قابىلداۋعا تۇبەگەيلى قارسىلىق بىلدىرگەن بالاما پارتيانىڭ رەيتينگى 18%-عا ارتقان.

اتالعان پارتيانىڭ كەڭىنەن تانىلۋىنا ميگراتسيا ماسەلەسى مەن كواليتسياداعى كەلىسپەۋشىلىك اسەر ەتتى. بيىل يران مەن ءسۇريادان كەلگەن ەكى كەلىمسەك 35 جاستاعى نەمىس ازاماتىن پىشاقتاپ ولتىرگەن بولاتىن. قاندى وقيعا كۇللى گەرمانيانى دۇرلىكتىرىپ، حەمنيتس قالاسىنىڭ تۇرعىندارى جاپپاي ەرەۋىلگە شىققان. وسى وقيعادان كەيىن وڭشىل كوزقاراستاعى گەرمانيادا پوپۋليستىك پارتيانىڭ بەدەلى ارتتى. سونداي-اق ميگراتسيالىق ساياسات جونىندەگى كانتسلەر انگەلا مەركەل مەن ىشكى ىستەر ءمينيسترى حورست زەەحوفەردىڭ پىكىر قايشىلىعى سالدارىنان كواليتسيا ىدىراۋعا ءسال-اق قالعان ەدى.

مەملەكەتتەگى جاعدايلارعا قاتىستى گەرمانيا كانتسلەرى انگەلا مەركەل: «ءبىر جىل بۇرىن بۋندەستاگتا وتكەن سايلاۋدىڭ ناتيجەسى وتە اۋىر ءتيدى. ءبىز ءۇشىن كواليتسيانى قۇرۋ قيىنداي ءتۇستى. مۇنىمەن قوسا، الدىڭعى ايدا ورىن العان جاعداي دا حالىق سوزىنە نازار اۋدارىپ، ىشكى ماسەلەلەردى شەشۋگە ىقپال ەتتى. ونسىز مەملەكەتتىڭ كەلەشەگىن ەلەستەتۋ قيىن. قازىرگى ۋاقىتتا وسى ماقساتتا قىزمەت ەتىپ كەلەمىز. ءالى دە تىندىرار ءىسىمىز كوپ»، – دەيدى.

مالىمەتتەر بويىنشا، بىلتىر پارلامەنتتىك سايلاۋدا تۇرعىنداردىڭ 13%-ى پوپۋليستىك پارتياعا قولداۋ كورسەتىپ، ناتيجەسىندە ول بۋندەستاگ قۇرامىنا ەنگەن. ال قازىر كۇن تارتىبىندەگى ماسەلەگە اينالعان ميگراتسيا باستى نازاردا بولعاندىقتان، پوپۋليستىك پارتياعا دەگەن سەنىم كۇشەيىپ كەلەدى.

"The Qazaq Times"