El Pais

ۋكراينا بيلىگى رەسەي فەدەراتسياسىنا دوستىق، ىنتىماقتاستىق جانە سەرىكتەستىك تۋرالى كەلىسىمشارتتى ۇزارتپايتىندىعى تۋرالى نوتا جىبەردى. بۇل تۋرالى تاسس رف سىرتقى ىستەر مينيسترلىگى، تمد دەپارتامەنتىنىڭ ديرەكتورى اندرەي رۋدەنكونىڭ سوزىنە سىلتەمە جاساپ حابارلايدى.

«ۋكراينا تاراپىنان رەسمي نوتا الدىق. ارينە، ءبىز دە قاجەتتى مالىمدەمە جاسايتىن بولامىز. پرەزيدەنت (پەتر پوروشەنكو) وتكەن اپتادا دا وسىنداي جارلىق شىعارعاندىقتان، بۇل ەشتەڭەنى وزەرتپەيدى. بۇل — كەلەسى جىلدىڭ 1 ساۋىرىندە ەكى ەل اراسىنداعى كەلىسىمشارتتىڭ توقتاتىلاتىنى تۋرالى شەشىم»، - دەگەن رۋدەنكو.

وسىعان دەيىن، ناقتىراق ايتساق 19 قىركۇيەكتە ۋكراينا پرەزيدەنتى پەتر پوروشەنكونىڭ رەسەي مەن ۋكراينا اراسىنداعى دوستىق، ىنتىماقتاستىق جانە سەرىكتەستىك تۋرالى كەلىسىمشارتتىڭ ۋكراينانىڭ قورعانىس جانە ۇلتتىق قاۋىپسىزدىك كەڭەسىنىڭ شەشىمىمەن توقتاتىلاتىنى تۋرالى جارلىعى كۇشىنە ەنگەنىن جازعان ەدىك. ۋكراينا بيلىگى ەگەر، بارلىق ءىس قاتاڭ ساقتالعان جاعدايدا كەلىسىمشارت 2019 جىلدىڭ 1 ساۋىرىنەن باستاپ كۇشىن جويادى دەپ حابارلاعان بولاتىن. نەگىزى، رەسەي مەن ۋكراينا اراسىندا 1997 جىلى قول قويىلعان دوستىق، ىنتىماقتاستىق جانە سەرىكتەستىك تۋرالى كەلىسىمشارت ورىس-ۋكراينا قارىم-قاتىناسىنىڭ نەگىزگى قۇجاتىنا اينالعان ەدى. وندا «ەگەمەندىك تەڭدىك، ايماقتىق تۇتاستىق، شەكارانىڭ بەرىكتىگى، داۋلى ماسەلەلەردى بەيبىت جولمەن رەتتەۋ،  كۇش كورسەتپەۋ، سونىمەن قاتار، ەكونوميكالىق جانە وزگە دە قىسىم تۇرلەرىنە جول بەرمەۋ قاراستىرىلعان بولاتىن.  ماسكەۋ كيەۆتىڭ بۇل قادامىن قاتە دەپ اتاپ، ۋكراينا باسشىلىعىنىڭ مۇنداي شەشىمىنە وكىنىش بىلدىرگەن ەدى.

“The Qazaq Times”