اقش پەن وڭتۇستىك كورەيا ەركىن ساۋدا تۋرالى كەلىسىمگە قول قويدى

اقش پرەزيدەنتى دونالد ترامپ پەن وڭتۇستىك كورەيا باسشىسى مۋن چجە ين ەركىن ساۋدا تۋرالى ەكىجاقتى جاڭارتىلعان كەلىسىمشارتقا قول قويدى، - دەپ حابارلايدى lemonde.fr.

ەندى وڭتۇستىك كورەيا اقش-تا شىعارىلعان اۆتوموبيل سانىن ەكى ەسەگە ارتتىرماق. اتالعان كەلىسىمشارتقا قول قويعاننان كەيىن ترامپ ەكى تاراپ «ساۋدا قاتىناستارىندعى ىنتىماقتاستىق پەن دوستىقتىڭ سيرەك مىسالىن كورسەتتى» دەپ اتادى. «مەن وڭتۇستىك كورەيا پرەزيدەنتى مۋن چجە ءيننىڭ كوزىنشە اقش پەن وڭۇستىك كورەيا اراسىنداعى ەركىن ساۋدا تۋرالى جاڭا كەلىسىمشارتقا قاتىستى كەلىسوزدەردىڭ ءساتتى اياقتالعانىن رەسمي تۇردە مالىمدەۋگە قۋانىشتىمىن. ەندى وسى كەلىسىمشارتتىڭ ارقاسىندا ەكى ەلدىڭ كومپانيالاردى بۇرىنعىدان دا تۇراقتىراق جاعدايدا ءوزارا ارەكەت ەتە الاتىن بولادى»، - دەدى ترامپ.

ەكى پرەزيدەنتتىڭ كەزدەسۋى بارىسىندا مۋن چجە ين ترامپقا كحرد پرەزيدەنتى كيم جوڭ ىننىڭ حاتىن تاپسىردى. قازىرگى تاڭدا كورەيا رەسپۋبليكاسى مەن اقش ليدەرلەرى بۇۇ-نىڭ باس اسسامبلەياسىنىڭ 73-سەسسياسىنا قاتىسۋدا.

“The Qazaq Times”