كحدر پرەزيدەنتى كيم جوڭ ىن يادرولىق قارۋدان بوساتۋ ءىسىن جەدەلدەتۋ ءۇشىن جاقىن كۇندەرى اقش باسشىسى دونالد ترامپپەن تاعى ءبىر سامميت وتكىزۋگە نيەتتى. بۇل تۋرالى وڭتۇستىك كورەيا پرەزيدەنتى پحەنيان ساپارىنان كەيىن مالىمدەمە جاسادى، -  دەپ حابارلايدى avim.org.tr.

«كيم يادرولىق قارۋدان بوساتۋدى تەزىرەك اياقتاپ، ەكونوميكانى دامىتۋعا باسىمدىق بەرگىسى كەلەتىنىن ايتتى. ول ترامپپەن جاقىن كۇندەرى بولاتىن جاڭا سامميت كورەي تۇبەگىن قارۋدان بوساتۋ ۇدەرىسىن جەدەلدەتەدى دەپ ۇمىتتەنەدى»، - دەگەن وڭتۇستىككورەيالىق پرەزيدەنت.

سونىمەن قاتار، ونىڭ ايتۋىنشا، كيمنىڭ اقش باسشىسىمەن سامميت وتكىزۋ تىلەگىنىڭ باستى ماقساتتارىنىڭ ءبىرى 1950-1953 جىلدارداعى كورەي سوعىسىن رەسمي تۇردە اياقتاۋ بولىپ تابىلادى. «بۇل — بەيبىت كەلىسسوزدەر تۋىنداتاتىن ساياسي دەكلاراتسيا بولادى. سولتۇستىك كورەيا مەن اقش ارا-قاتىناسىنىڭ رەتتەلۋى مەن بەيبىت كەلىسىمشارتتىڭ جاسالۋى تەك يادرولىق قارۋدان بوساتۋ ۇدەرىسى اياقتالعاننان كەيىن عانا جۇزەگە اسادى»، - دەگەن مۋن چجە ين. ەسكە سالايىق، مۋن چجە ين سەيسەنبى، 18 قىركۇيەكتە كحدر استاناسى پحەنيانعا ءۇش كۇندىك رەسمي ىسساپارمەن باردى. كحدر پرەزيدەنتى كيم جوڭ ىنمەن بولعان ءسامميتتىڭ ارقاسىندا ەكى ەلدىڭ قارىم-قاتىناسىندا «جاڭا كەزەڭ» باستالىپ،  بىرقاتار قۇجاتقا قول قويىلدى.

“The Qazaq Times”