اقش كوروناۆيرۋستان زارداپ شەككەن ەلدەرگە 100 ملن دوللار بولمەك

اقش مەملەكەتتىك دەپارتامەنتى جاڭا كوروناۆيرۋسپەن كۇرەسۋ ماقساتىندا قىتاي جانە وزگەدە ەلدەرگە كومەك رەتىندە 100 ملن اقش دوللارىن بولمەك. بۇل تۋرالى اقش مەملەكەتتىك حاتشىسى مايك پومپەو مالىمدەدى. سونىمەن بىرگە، اقش دەنساۋلىق ساقتاۋ ءمينيسترى حاتاردتىڭ ايتۋىنشا، اقش قىتايعا ساراپشىلار توبىن جىبەرۋگە دايىن، بىراق ءالى دە قىتاي ۇكىمەتىنىڭ ماقۇلداۋىن كۇتۋدە.

اقش مەملەكەتتىك دەپارتامەنتىنىڭ مالىمدەۋىنشە، بولىنەتىن قارجى قىتاي جانە وزگە دە كوروناۆيرۋستان زارداپ شەككەن ەلدەرگە قولداۋ كورسەتۋگە جۇمسالادى، سونداي-اق، دۇنيەجۇزىلىك دەنساۋلىق ساقتاۋ ۇيىمىنىڭ ۆيرۋسقا قارسى ارەكەتتەرىن قولداۋعا جۇمسالادى.

مالىمەتكە قاراعاندا، بەيسەنبى كۇنى اقش پرەزيدەنتى دونالد ترامپ پەن قىتاي باسشىسى شي جينپيڭ تەلەفون ارقىلى سويلەسىپ، كوروناۆيرۋس جاعدايىن تالقىلاعان. ترامپ سويلەسۋ كەزىندە قىتايدىڭ قاۋىپتى ىندەتتى تىزگىندەۋگە قابىلەتتى ەكەنىنە سەنىم بىلدىرگەن جانە ەكى ەل اراسىندا ىنتىماقتاستىق ورناتۋ كەرەكتىگىن العا تارتقان.

“The Qazaq Times”