ليۆيا استاناسىنداعى قاقتىعىس ودان سايىن شيەلەنىستى جاعدايعا جەتتى

ليۆيا استاناسى تريپوليدە ءبىتىم جاريالانعان كۇننەن بەرى باستالعان قاقتىعىس ءالى جالعاسۋدا. ليۆيانىڭ ۇلتتىق بىتىمگەرلىك ۇكىمەتىنىڭ ىشكى ىستەر ءمينيسترى ءابدۋسالام افۋر قاقتىعىستى توقتاتۋدىڭ مۇمكىن بولماي تۇرعانىن حابارلاعان. بۇل تۋرالى kamuoyu.org حابارلايدى.

بۇعان دەيىن بۇۇ-نىڭ ليۆياعا قولداۋ كورسەتۋ جونىندەگى ميسسياسى (UNSMIL) قاقتىعىس جاساۋشى تاراپتاردى بىتىمگە كەلىپ، رەفورما جۇرگىزۋگە كوبىرەك كوڭىل بولۋگە شاقىردى. تريپوليدەگى جاعدايدى ۇكىمەتتىڭ بۇيرىعىن ءجيى بۇزۋشى پاكىستان حالىقتىق پارتياسى ودان سايىن ۋشىقتىرۋدا دەپ ەسەپتەيدى بيلىك.

2011 جىلعى 17 اقپانداعى رەۆوليۋتسيادان كەيىن ليۆيا ساياسي تۇراقسىزدىق پەن قارۋلى توپتار اراسىنداعى قاقتىعىستار وشاعىنا اينالۋدا. ماسەلەن، ەلدە بىردەن ەكى ۇكىمەت قۇرىلدى — توبرۋك قالاسىنداعى وكىلدەر پالاتاسى مەن تريپوليدەگى جالپى ۇلتتىق كونگرەسس. ەكى ۇكىمەتتىڭ قول استىندا دا قارۋلى توپتار بار ەكەنى ايتىلادى. 2015 جىلدىڭ 17 جەلتوقسانىندا ماروككوداعى بۇۇ-نىڭ ارااعايىندىق ەتۋىمەن ۇلتتىق ءبىتىم ۇكىمەتىن قۇرۋىن قالىپتاستىراتىن ساياسي كەلىسىمشارتقا قول قويىلعان ەدى. سوعان قاراماستان، قازىرگى ۋاقىتتا ليۆياداعى ساياسي-الەۋمەتتىك جاعداي تىم شيەلنىسىپ كەتكەن.

“The Qazaq Times”