اقش پرەزيدەنتى دونالد ترامپ قىتايدان شىعارىلاتىن 200 ميلليارد دوللارلىق تاۋارعا 24 قىركۇيەكتەن باستاپ 10 پايىزدىق كەدەن سالىعىن ەنگىزەتىنىن حابارلادى. بۇل تۋرالى "eadaily.com" جازادى.
اق ۇيدەن جاسالعان مالىمدەمەگە قاراعاندا، ترامپ اقش ساۋدا وكىلىنە قىتايعا قارسى ەكىنشى كەدەن سالىعىن ەنگىزۋگە بۇيرىق بەرگەن.
شامامەن 200 ميلليارد دوللارلىق تاۋارعا قاتىستى تاريفتەردىڭ ءبىر اپتادان كەيىن ناقتى قولعا الىناتىنىن ايتقان ترامپ: «بۇگىن 7 اپتاعا جان-جاقتى تالقىلاۋلاردان كەيىن اقش ساۋدا وكىلىنە شامامەن 200 ميلليارد دوللارلىق قىتاي يمپورتىنا قاتىستى قوسىمشا تاريفتەردى باستاتۋعا تاپسىرما بەردىم. 24 قىركۇيەكتە قولدانىسقا ەنەتىن جانە جىل سوڭىنا دەيىن 10 پايىزدىق مولشەرلەمەدە قالاتىن تاريفتەر 2019 جىلدىڭ 1 قاڭتارىنان باستاپ 25 پايىزعا ارتتىرىلاتىن بولادى»، - دەگەن.
«267 ميلليارد دوللارلىق تاريف دەرەۋ قولدانىسقا ەنەدى»
ترامپ الەمنىڭ ەڭ ءىرى ەكى ەكونوميكاسى اراسىنداعى «ساۋدا سوعىسىنىڭ» ارتۋىنا سەبەپ بولادى دەپ ەسەپتەگەن مالىمدەمەسىندە ەگەر اقش-تىڭ وسى شەشىمىنە بايلانىستى قىتاي قارسى ارەكەتكە كوشكەن جاعدايدا، قىتايلىق تاۋارلارعا شامامەن 267 ميلليارد دوللارلىق ءۇشىنشى كەدەن سالىعىنىڭ دەرەۋ قولدانىسقا ەنەتىنى دە حابارلانعان.
«بۇل ماسەلەنى شي ەكەۋمىز عانا شەشەمىز»
قىتاي بيلىگىن «ادىلەتسىز ساۋدا ارەكەتتەرىن توقتاتۋعا» شاقىرعان ترامپ: «وسى ساۋدا ماسەلەسى قىتاي باسشىسى شي جينپيڭ (سي تسزينپين) ەكەۋمىزدىڭ ءوزارا كەلىسىمىزدىڭ ناتيجەسىندە تۇبىندە ءبىر ورتاق مامىلەگە كەلۋگە كومەكتەسەدى»، -دەگەن.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن