ناتو اسكەري كەمەلەرى ءسۇريا شەكاراسى ماڭىنا كەلىپ توقتادى

ناتو اسكەري كەمەلەرى ءسۇريا شەكاراسى ماڭىنا كەلىپ توقتادى – دەپ حابارلايدى ينتەرفاكس اقپارات اگەنتتىگى.

اگەنتتىك مالىمەتىنشە، جەرورتا تەڭىزىنىڭ شىعىس بولىگەندەگى ءسۇريا شەكاراسى ماڭىنا ناتو-عا مۇشە گرەتسيا، كانادا جانە نيدەرلاند ەلدەرىنىڭ اسكەري كەمەلەرى كەلىپ توقتاعان. راسمي اقپارات بويىنشا، ەللي، ۆيلل دە كۆەبەك جانە دە رەيتەر كەمەلەرى جوسپارلى كۇزەت جۇمىستارىن جۇرگىزۋدە.

بىراق بۇدان بولەك قازىرگى ۋاقىتتا جەرورتا تەڭىزىنىڭ شىعىس بولىگىندە اقش-تىڭ كارني، روسس، ۋينستون چەرچيلل سياقتى ءۇش بىردەي اسكەري كەمەلەرى مەن ماۋنت ۋيتني شتاب كەمەسى ءجۇر. باتىس ەلدەرى سراپشىلارىنىڭ سوزىنشە، جەرورتا تەڭىزىندە جۇرگەن اقش اسكەري تەڭىز كۇشتەرىنىڭ ارسەنالىندا 204 «توماگاۆك» قاناتتى زىمىراندارى بار.

ەستەرىڭىزگە سالايىق، تامىز ايىنىڭ 25-ءى كۇنى رەسەي قورعانىس مينيسترلىگى «اقش ءوزىنىڭ جەرورتا تەڭىزىندەگى اسكەري كەمەلەرىنىڭ سانىن ارتتىرۋ ارقىلى پەنتاگون سۇرياعا سوققى جاساۋعا دايىندالۋدا» دەگەن اقپارات تاراتقان. بىراق اقش تاراپى رەسەيدىڭ بۇل مالىمدەمەسىن جوققا شىعارىپ، وعان «ساياسي پروپاگاندا» دەگەن باعا بەرگەن.

"The Qazaq Times"