تۇركيا بيلىك جۇيەسىن وزگەرتپەك – ەردوعان بيلىكتى بەلشەسىنەن باسقالى وتىر.

تۇركيا 16 ءساۋىر كۇنى كونستيتۋتسيالىق رەفەرەندۋم وتكىزۋدى جوسپارلاپ وتىر. كونستيتۋتسيالىق تۇزەتۋلەر جوباسى قابىلدانسا، تۇركيا پارلامەنتتىك جۇيەدەن پرەزيدەنتتىك جۇيەگە اۋىسادى. بۇل پرەزيدەنت بيلىگىن نىعايتادى. "شينحۋا" اگەنتتىگى حابارلاپ وتىر.

تۇركيا انادولى اقپارات اگەنتتىگىنىڭ حابارىندا، وسىدان بۇرىن تۇركيا پرەزيدەنتى رەجەپ تايىپ ەردوعان رەسمي كونستيتۋتسيالىق جوباسىن ماقۇلداعان. كەيىن، كونستيتۋتسيالىق رەفەرەندۋم بيىلعى جىلدىڭ 16 ساۋىرىنە بەكىتىلدى. اتالعان جوبانى ەردوعان باسشىلىق ەتىپ وتىرعان ادىلەت جانە دامۋ پارتياسى وتكەن جىلى جەلتوقسان ايىندا پارلامەنتتىڭ قاراۋىنا ۇسىنعان. جوباعا سايكەس تۇركيا پارلامەنتتىك جۇيەدەن پرەزيدەنتتىك جۇيەگە الماسۋى كەرەك. رەفەرەندۋم جۇزەگە اسىپ جاتسا، پرەزيدەنت بيلىگى كۇشەيمەك. ايتالىق، ەكى ۆيتسە-پرەزيدەنتتى قامتىعان بارلىق مەملەكەتتىك ورگانداردىڭ قىزمەتىن توقتاتۋ مەن تاعايىنداۋعا قۇقى بار. وعان قوسا پارتيا توراعالىق ورنى دا ساقتالادى.

پارلامەنت مۇشەلەر سانى 550 دەن 600 ادامعا دەيىن بولادى. كەڭەس مۇشەسىنە قۇقىقتى جاس مولشەرى 25 تەن 18 جاسقا دەيىن بەرىلمەك. ياعني 18 جاسقا تولعىن تۇركيالىق ازاماتتىڭ پارلامەنت مۇشەسى بولۋعا قۇقى بار. پارلامەنت پەن پرەزيدەن سايلاۋى 5 جىلدا ءبىر رەت، ۇقساس كۇندە وتكىزىلەدى. قاڭتار ايىندا بۇل جوبا تۇركيا پارلامەنتىندە 339 داۋىسپەن ادىلەت جانە دامۋ پارتياسىنىڭ جەڭىسىنە شەشىلدى. الايدا، پارلامەنتتىڭ 3/2 بولەگىنىڭ داۋىسىنا يە بولۋى شارت بولعاسىن حالىقتىڭ رەفەرەندۋمعا جىبەرىلدى.

“The Qazaq Times”